سقسيلي اذا نقدر نسحب شهادة البكالوريا تاعي و نعاود نقرا بيها اختصاص جديد، مع العلم انا قريت تحصلت على ماستر و لحقت 5سنوات ملي تحصلت على ليسانس.. سحب البكالوريا لازم 5سنوات من التخرج ليساني ولا ماستر ؟ وشكرا

وين نقدرو نديرو formation تع تداوي بالأعشاب و الزيوت الطبيعية؟

سلام ممكن تشرحولي كيفية الدراسة في فرنسا بالنسبة للفرنسيين يعني كيفاه يجوزو الباك و شحال معدل باش يقراو طب و الأسنان في جامعة Bourdoux

من فضلك سقسيلي المتابعين على La délégation commerciale مليحة او لا واش لازم باه نخدمها

سلام انا نقرا سنة اولى جامعي علوم اقتصادية و تجارية و مالية و علوم التسيير باه نكمل دوزيام نشاله انا اني حابة ندير ماركة ملابس نكمل تجارة (تسويق ) ولا محاسبة ؟؟ باسكو كنت حنكمل محاسبة اومبعد قلت تسويق ينفعني خير و لي قراو تسويق اسكو صعيب ولا ...؟؟؟

إذا تسقسيلي كيفاش نولي contrôleur aérien في الجزائر؟

اذا تسألي عندي سؤال في médecine سمعت بلي السيستام تبدل ولى 6 سنين ومباعد لي يحب يفوت كونكور تع الريزيدونت . اسكو بهديك 6 سنين يمدولك شهادة طبيب généraliste وتقدر تخدم بهدا الدبلوم؟ وهل كاين فرصة تكمل سبيسياليتي وتخدم médecin généraliste في نفس الوقت؟

اذا تسألي شكون دار formation في centre insim في وهران ولا آلجي؟ هل الدبلوا مليح ومعتمد؟ خاطر غالي وخايف ندير ونخسر دراهم؟ واش تقولولي عليه؟

تعيش سقسيلي أفضل ثانوية خاصة رخيصة الثمن في العاصمة مع الثمن للأقسام النهائية

أنا طالبة في القسم النهائي في الثانوية و عمري 20 سنة حبيت نشارك في منحة mext اليابانية بصح معرفتش كيفاه و ماهي شروط الالتحاق و معدل القبول عندنا فالجزائر و كيفاه نتقدملها كاين بزاف ناس شاركو فيها ونجحو بصح معرفتش نوصلهم واذا كان معدل الفصول يلعب دور ..