1- يعيشك اقترحولي مشروع يكون خفيف ظريف لوحدة طبيبة يوالم توقيت ومجهود تاعها منها تتسلى فيه ومنها تزيد شوية مصروف ومرسي بزاف - هل يوجد عمل بتوقيت حر يعني يعمل في العطلة الاسبوعية يناسب طبيب محتاج لعمل ثاني .

الى ممكن تسقسيلي راح ندير بروجي تاع نجارة نخدم لي طابل تيفي ولي طابل باز بنوعية الخشب (بوا روج ) وشكون لي عندو فكرة منين نجيب الخشب بوا روج بالجملة (للعلم المقر لي نخدم فيه متوفر ). وهل من عندو خلفية على ورشة وشحال راس مالها هكاك بالتقريب؟

سلام اذا تسالي كيفاش نخدم ماستر كارد هنا فالجزاير و اذا لازم نديرها في بنك الخليج و لا كاين جهات أخرى و اسكو مانلقاش صعوبات باش يخدموهالي؟

السلام عليكم حبيت نسقسي وين نلقا لي يبيعو لوازم الحيونات او القطط بالجملة مثل la litière او bac de litière و هادوك الصحون ديالهم او كاش واحد عندو و ماعادش يسحقهم بحكم اني نربي القطط من الشارع و ماوليتش نلحق باش نشريلهم و جزاكم الله الف خير

سقسيلي تعيش راني نخطط لمشروع ومحتار نبدا بالموقع ولا ابليكاسيون تع تلفون؟ وشكون لاسهل الناس تستخدمها؟

اذا تسالي نحب الخياطة وحابة نبدأ مشروع واش رايكم في خياطة حقائب اليد للرجال ونساء كيما في الصورة؟ اذا مليح واش رايكم هل الاحسن نبدأ وحدي ولا ندور على شركة؟

حاب نرفد الميتي تع la boucherie الجزار هل لازم نتعلمها عن واحد نخدم عندو ولا فيها دبلوم؟ باش نقدر نحل وحدي

اذا تسقسيلي انا عندي ديبلوم ليسانس لغة وأدب عربي ااذا نقدر ندير اي بحث ولا دراسة فالمجال نثري بيها الديبلوم ووين ندفعوا وماهي الخطوات اللازمة باش تتقبل الدراسة او البحث

اذا تسالي اذا كاين مراكز تدريب عالميين في الجزائر؟

حبيت نسقسي، واش تعادل شهادة ماستر 2 هندسة مدنية ؟ هل ههندس ام مرتبة اخرى ؟ و واش تقدر تزيد من مراتب اخرى اذا كاين ؟ و ما معنى مهندس دولة ؟