ادا تسقسيلي على الدورات التطبيقية لي ندعم بيهم cv تاعي من غير انفورماتيك مع العلم عندي ليسانس ادارة مالية وماستر اقتصاد نقدي وبنكي

اذا تسألي بين فتح محل لاكسسوارات السيارات و فتح محل ملابس نسائية وشكون لي يمشي خير؟ وكاش من عندو فكرة وشحال لازم راس مال لمشروع اكسسوارات السيارات؟

حاب ندير مشروع مصنع لانتاج les produits phytosanitaires خاص للقطاع الفلاحي، كيفاش نبدا، منين نجيب الالات، و اذا فيها دعم من الدولة.

راح نفتح atelier تع خياطة الشهر القادم انشاء الله باش نبيع بالجملة حابة نعرف بواش نقدر نبدا اي وشنو هي الحاجة لي راهو الطلب عليها بزاف فالسوق خصوصا رانا على ابواب الشتاء مع العلم راني جديدة في الميدان

حاب نسقسي إذا كي تفتح حساب بنكي تلم فيه الصوارد كون طول المدة مثال عام ولا عامين ياخي مايديش البنك من صواردك!!

السلام عليكم، أنا طالب جامعي حبيت نحبس من الجامعة لي راني نقرا فيها و ندخل نقرا باراميديكال بريفي في آلجي، كيفاش الإجراءات؟ و اريد بعض المعلومات إذا كاش واحد(ة) داير باراميديكال يخلي كومنت و شكرا.

السلام عليكم.لو تسألي من فضلك. عندي فكرة في راسي و هي انشاء منصة لتقديم الدورات و دروس خصوصية عن بعد في الجزائر لطلبة و خريجي العلوم الطبية. حابة لو الدورات هادي تكون معتمدة.. كيفاش نبدا و كيفاش نرجعها موثقة و معتمدة و من عند اي جهة؟! و لو فيه معلوما..

بغيت نسقسي وين نقدر نلقا الاحصائيات لي يديروهم على الجزائر بالاخص عدد مستخدمي الانترنت في كل ولاية و بزاف اسئلة هكذا

سلام، أنا جبت الباك 2019 و بعتوني تخصص منحبوش ، سجلت في الجامعة مي محضرت حتّى حصة ولاّ TD ولاّ TP ، دوك إدا نقدر نعاود العام و إدا نقدر ندير ترانسفار التخصص آخر ، مع العلم معدل الباك 10.29 و شكرا

عندي فكرة مشروع وهي اذا نفتح مقهى ولكن باسلوب مختلف يكون مقهى تاع قطط (cat cafe) كيما اللي كاين في اليابان، تكون فيه قطط للتبني. برايكم يلاقي اقبال في الجزائر؟