انا عندي نيفو بيام وحابة نغير في حياتي ونطور من روحي ونكوت منتجة واش نقدر ندير ستاج لي نلقاه في حياتي و نخدم بيه مليح من غير لحفافة ولخياطة؟ وهل ممكن الاخوات يكتبو واش راهم يديرو حرف؟

اذا تسألي كل واحد يحط معدل لي جاب بيه الباك و واش مشعبة كان يقرا و واش راه يقرا دوكا فالجامعة باش نستفادوا كامل

1) اذا تسألي انا خريج المدرسة العليا للاساتذة نحكم البوست ولا نروح لتركيا؟ 2) نقدر ندير كونكور نقدري ليسي وانا نقرا ماستر؟ 3) واش رايكم في التدريس؟

1- حبيت نسقسي طلبة l'ENS اذا مناصب العمل مضمونة مباشرة بعد الدبلوم ولا قبل؟ 2- انا هاد العم عندي ليسانس فدالي ابراهيم ( محاسبة و مالية ) هل ممكن نجوز كونكور هاداك تاع المدارس و منه نقدر دخل المدرسة لي في قليعة او مدرسة اخرى و هل لازم معدل معين ؟

1- من فضلك إدا تقدر تسألي أنا طالبة بكلوريا تسيير و إقتصاد السن 20 سنة حابا نقرا باه نخرج فرملية أسكو نقدر ولا لا بلاك خاص تخصصي يكون علوم برك ؟؟؟؟ 2- من فضلك اسألي انا عندي ماستر علاقات عامة و الباك ديالي كان اداب حبيت ندير ممرضه و لا مساعدة ممرضه ..

1) حبيت نسقسي وش نقدر ندير ب معدل باكالوريا من 17 للبنات ما عدا المجالات الطبية؟ 2) كاش واحد دا معدل 17 وفوق نسحقوا؟

راني حابة نتعلم logos design وال design بصفة عامة ممكن تسألي إدا كاين قنوات Youtube ولا صفحات انستا يكونوا ملاح.

حاب نرفد الميتي تع la boucherie الجزار هل لازم نتعلمها عن واحد نخدم عندو ولا فيها دبلوم؟ باش نقدر نحل وحدي

اذا تسقسيلي انا عندي ديبلوم ليسانس لغة وأدب عربي ااذا نقدر ندير اي بحث ولا دراسة فالمجال نثري بيها الديبلوم ووين ندفعوا وماهي الخطوات اللازمة باش تتقبل الدراسة او البحث

اذا تسالي اذا كاين مراكز تدريب عالميين في الجزائر؟