علاش مجتمعنا يحڨر المطلقة علاش الجزائري يتقبل الأجنبية برغم ماضيها ولا يتقبل وح..

علاش مجتمعنا يحڨر المطلقة علاش الجزائري يتقبل الأجنبية برغم ماضيها ولا يتقبل وحدة مطلقة ؟

لاننا في مجتمع لا يرحم يسمحون و ينسون اخطاء الرجل و لا يسمحو الامرأة

هذا الموضوع شائك وله عدة تشعبات الأنسان الي مربي ويعرف ربي علبالو بلي المطلقة والأرملة راهم ضحايا ضروف او مشاكل وغيرها من الامور دنيوية والانسان الجاهل و الغبي يقذفهم و يتتبع عوراتهم. ربي يستر المؤمنين والمؤمنات وصبر ثم صبر لعل الله يحدث بعد ذالك امرا

لان المطلقة في نظر فئة معينة من الرجال تكون هي الغالطة و كاشما دارت باش وصلت روحها للطلاق و بما انها من مجتمع مسلم محافظ مكانش المفروض تغلط و ما طيعش زوجها ، ماعلابالهمش بلي كل حالة وكيفاه وكل مرأة وكي دايرة كاين الزينة و الشينة(هاد الفئة ماشي فاهمين الدنيا فقط ولا غير يستحسن ماتقربيش منو لأنو ماراحش تقدري تبدليلو طريقة التفكير و وجهة نضرو راح تضيعي وقتك فقط ) شوفي الانسان الي يفهم ضروفك و يحترمك والله يرزقك بزوج صالح ختي ، قال تعالى: عسى ان تكرهو شئ وهو خير لكم.

أختي عندي صديقتين في هذا الوضع و شفت صح كفاه المجتمع يظلم و يحط أحكام ظالمة مي علابالك واش هو أسوأ شيئ ..أسوأ شيئ هو أنو المطلقة نفسها تظلم نفسها و تنضم للمجتمع و تسمح للافكار المتخلفة تاع ناس واحد فيهم ما عاش اللي عاشتو يأثر عليها.. ربي سبحانو هو الصح و كي تكوني صافية مع ربي سبحانو ما تعمريش راسك بكلام الناس..توكلي على ربي سبحانو و سلمي أمرك لله فما خاب من توكل و ربي يفرحك.. نحي من بالك فكرة انو لازمني راجل باش نعيش أصلا و ما تقعديش تستناي و عيش حياتك و ضحكي و ازهاي واحد ما علابالو وقتاه تيجيه الموت تاعو وواحد ما يتمنى يكتشف في آخر عمرو انو كان مقضي حياتو يستنا في حاجة تصرا ولا شخص ييجي باش يعيش و نسا يعيش .. الحياة ليست رجل و كفى. تستاهلي تفرحي بيه و لا بلا بيه و المجتمع حطي آراؤو في سلة الزبالة

لانو شعب متخلف