قال عمر بن الخطاب رضي الله عليه:(لو كان الفقر رجلا لقتتلته) الله قسم الأرزاق على الناس و لكل امرؤ ما سعى، كثيرون من يشتكون لنقص المال و غير قادرين لتلبية حاجياتهم و هم لا يبذلون اي جهد لتغيير حالهم الى الأحسن ينتقدون أولئك الذين يبذلون قصار جهدهم لجمع المال . المال سلاح ذو حدين من يقدر قيمة المال و يعرف استغلاله فسينعم في الدنيا و اللآخره، و من لم يفعل ستلحقه المصائب في الدنيا و غضب الله في الآخرة . الفقر ليس عيب لكنه نقص ، و المال هو فرج و ارتاح لمن يقدره
انا راني متفق معاك في ماقلته ولك هل تتفق معي في ما سوف أقوله لك نذهب لطبيب بالمال ولانشتري صحة نشتري دواء ولا نشتري شفاء وهكذا تستمر الحياة
السعادة نعيشوها و نحسوها سوا اغنياء ولا فقراء لا علاقة لها بالمال بل بالرضى
السعادة تحسها نهار تكون مقتنع بواش عندك ، ميهمش اذا كنت غني أو فقير ، المهم أنك راضي على حالتك .
الفقر ابتلاء صعيب بزاف مايصبرلو غير العبد المؤمن المتقي خصوصا في ضل هذي الضروف القاهرة التي تمر بها البلاد الأنسان يسعى وويوسع خاطرو وخلاص معندك ماتدير
الدراهم ما تشريش السعادة مي تشريلك و توفرلك سبل السعادة صح الفقر مشي عيب و شحال من فقير سعيد و مرتاح و لازم تكون قنوع مي لازم تان تسعى باه تطور روحك و تبدا من الصفر و تلحق لأسمى المراتب فاش خيرمنا اللي بداو من الزيرو و لحقوا أنهم ولاو مليارديرات ماللخر واحد ما يكذب عليك الدنيا هادي لازملك دراهم باه تعيش و كلما كثروا كلما عشت مرتاح تحب تاكل تحوس تشري الدوا تصدق تعاون كامل هادو لازملهم دراهم
المال يعطيك نوعا من الرفاهية والراحة المال إذا وظيفته صح راح تعيش مرتاح وراضي السعادة هي حالة لازم الواحد يعيشها كل لحظة مشكلة الأغلبية انهم يستناو المال باش يكونو سعداء ...الواحد لازم يحدد أهدافه ويسعى إليها بكل حب . لاحظت مثلا عندنا بعض الشباب وللاسف اكثرية يخدم غير باش ياكل ويلبس مليح ومن بعد يقولك اصرف مافي الجيب يأتيك مافي الغيب وكي تتزير عليه الحالة يقولك الجزائر ماعطاتناش.. لازم يكون فيه وعي مالي ..يعني الواحد يقسم راتبه الأساسيات الرفاهية الديون وتاني الاستثمار ماتحقرش1000 ولا 2000ولا 3000 دينار اللي تخبيها محطة نية الاستثمار وتوكلو على ربي
ماراكش مسجل معانا. تقدر تفيدو؟
تقدر تدخل بسهولة منا
Sign in with Google