5 نصائح على الباك نتمنى تكون من الطلبة المتفوقين 😁

5 نصائح على الباك نتمنى تكون من الطلبة المتفوقين 😁

قبل كل شيء التوكل على الله و الصلاة و الدعاء ليوفقك و قوي الثقة بنفسك و ما تفشلش نبداو ب:

1/ الابتعاد عن القلق و الخوف

2/ الهاتف و الانترنت بعد عليهم قدر المستطاع

3/ اختيار مكان هادئ للحفظ

4/ اختيار الوقت ايضا خاصة مع الفجر

5/ الاعتماد على الفهم قبل الحفظ مع المداومة على حل التمارين في المواد العلمية بشكل يومي

6/ متخليش دروس الحفظ تتراكم عليك و فهم و لخص باسلوبك

7/ متعييش روحك فوق اللازم يوصل الباك تلقى روحك عييت

و الله ولي التوفيق

Dir fi balek bali Qader teddih sah msh rak ha teddih.

لا تضغط كثيرا على نفسك ، هو اسهل من الامتحانات الاخرى فقط الكلام عليه يعمل ضغط استمتع بالليسي و العام القادم فلافاك أن شاء الله

اعطي كل حاجة حقها ، القراية عندها وقت والرقاد (الراحة) وقت ، وديما دير فبالك -ازرع لكي تحصد-

اعطي كل مادة حقها، مكاش مادة اساسية واخرى لا، كل مادة تكمل اختها

ريفيزي على البكري و ربي يعاونك ان شاء الله نجيبوه

ربي يوفق جميع المقبليين على الباك

1 نقص من الملهيات وأولها مواقع التواصل 2 راجع بالمعقول يعني اوقات محددة في اليوم مش كل وقت وفي كل مكان 3 دير برنامج للمراجعة حسب الأولويات بالنسبة ليك، وحدد وقت لكل مادة 4 المراجعة الجماعية مفيدة والمراجعة الفردية أكثر إفادة ولهذا راجع مع الآخرين كي تكون محتاج تفهم حاجة برك مش دايما 5 الباك امتحان باه تدخل للجامعةفقط، يعني مراه لا مصيري ني والو والله المستعان

مهما كان الوقت لي قعدلك مايطيحلك الموزال ما تقول فاتني الحال اتكل على ربي درك و نوض ركز على المواد الاساسية هي الصح لكن رغم هذا ما تهملش المواد الثانوية و حاول تقرا بذكاء العبرة ناش كي تقعد 6 سوايع فوق البيرو العبرة كي تنوض تكون فهمتي و حفظتي كلشي بلا ما ضيع وقتك لانو كل دقيقة محسوبة عليك و أهم حاجة ركز على المراجعة النهائية متقولش راني فاهم هذا الدرس راني حليت هذا التمرين... راحع كلشي في الفترة الاخيرة لانو المراجعة هي صح

شوف على حسب خبرتي. 1 لازمك متهملش مواد الحفظ. لانو هم راح يطلعولك معدل 2. لازم دير تكثيف لغات. لانك راح تحتاجهم في جامعة بالنسبة لتخصصات العلمية 5 توكل على الله. وراجع مواد الحفظ في الصباح مع الفجر ومواد العلمية بقية اليوم 4 انتبه في القسم جيدا 5 تعود تحل تمارين بنفسك وابتعد عن المراجعة الجماعية

اولا النية والتوكل على الله.ثانيا الباك يستعد له .بصم الياء من اول السنة .وهذا بتلخيص الدروس وحل التطبيقات الكثيرة في الرياضيات .الفيزياء.اللغة.الفلسفة .لاتحقرن شيئا .ولاتستهن بشي .كل .اعمل على كل مادة بهدف معدل مرضي .وستكون النتيجة اكثر إن شاء الله ايضا تنظيم الوقت والمراجعة.وإعطاء وقت للترفيه .بل ووقت للمكافأة للنفس .فعندما تقم بعمل جيد كافئ نفسك ولو بكلمة جميلة او استراحة ممتعة .....والكلام كثير

Lazem ykoun 3andek objectif avant tous eveter le stress essai tkon a jour organiser o prépare tes résumer

انا طالبة طب سنة 4 ، أهم حاجة هي انو يكون عندك هدف واضح ، ثانيا التنظيم ثم التنظيم ، قراي كامل المواد سيرتو لا كنتي علمية ما تهمليش المواد الأدبية ، ركزي على كلش، تبعي الجدول الزمني و التخطيط لي يساعدك نتي و لي درتيه انتي ماشي كوپي كولي على اي شخص و لو كان متفوق لانو ليساعدك نتي و يخرج عليك انتي نتي تعرفيه، ماتقارني روحك بحتى واحد للنو هك تظلمي روحك قارني روحك بروحك واش درتي البارح اليوم ديري كثر ، عتامدي على خدمتك قراي لي كور لا حبيتي و قراي ف النت بصح الاهم هي خدمتك حلي المواضيع شحال ما قدرتي و بالاخص تاع العوامات لي فاتو ، في المراجعة نهائية ديرس وقت محدد للموضوع هك با شتتعودي على الوقت تاع الباك ، هدرت بزاف ههه بالتوفيق ختي و ما تتقلقيش لانو القلق قادر هو يخسرك هذا مجرد امتحان .

_ البداية بجدية من أول السنة _الإستمرارية _ التركيز _التخطيط الجيد _الباك سهل ، إنما الضغط تاع الأهل هو لي يرجعو صعيب تسما متضغطش على روحك بزاف

راجع كلش في كامل المواد و ما دير على حتى استاذ خصوصا تع الدروس الإضافية اليوتيوب راهو مليء بالدروس و الشروحات في جميع المواد استفد منه

اققرا بلا ضغط . وربي يوفقنا كامل .ضك مور الباك تصطدم بالواقع المرير للمستقبل الدراسي فهذي البلاد