مجهول
السلام عليكم يا جماعه الخير باختصار راني نعاني نفسيا لدرجة عمري ماتخيلت اني نوص..
السلام عليكم يا جماعه الخير باختصار راني نعاني نفسيا لدرجة عمري ماتخيلت اني نوصللها و الاكتئاب ضيعني (المشكل ليس بعد ديني او اي من هذا الحمد الله الشي الوحيد اللي مخليني حية اليوم هو الايمان بلي هذا ابتلاء وبإذن الله نتغلب عليه ) لكن مقدرتش نخرج منه لمدة 4سنوات و دايمن اخرتها تغلبني فكرة الانتحار اللي علابالي وراني فكامل وعيي انها اسوء حاجة يقدر يديرها الانسان وين يآذي نفسو و عائلتو و الله يحاسبنا على روحنا ولكن والله يا خاوتي ماقدرتش نعاون روحي مهما درت فخممت نتلقى العلاج النفسي ف اذا امكن عاونوني فهموني وين نروح اذا لطبيب نفسي ولا مصحة و هل هاذ الشي مكلف ؟ و ادعولي
حسب تجربتي مع هذا الشي " مانحبش نسميه اكتئاب" نقولو "نكره حياتي" اول حاجة هي الاقتناع مالداخل بلي راك حاب تتغير و تتخلص من هدوك الافكار .. نحاول نحوس على المسببات، يعني انا كي تجيني فكرة الانتحار من واش جاتني ؟ هل كاين انسان راهو يرسلي طاقة تخليني نحس هكاك ؟ هل كاين نقص في حياتي ونقدر نعوضو ؟ خل انا فيا نقص نقدر نغيرو ؟ هل من الناحية الدينية انا انسان ملتزم ؟ هل امارس هواياتي ؟ هل عندي هدف ؟ شغف! هاد الاسئلة كامل نحاول نحاوب عليهم نحكم بالحاجة ونخدم عليها ..يوم بعد يوم في لول مارحش نحسو بالفرق من بعد خلاص رح تولي عنا عادة لي هي كيفاش انا كي نوض الصباح نفرح روحي و ندير الحاجة لي حبيت! تحس كاين نور بدا يبان .. نحاول نبدل المحيط لي راني فيه ..لبسي .. الصحبة .. حتى المحتوى لي تبعو على السوشل ميديا .. واذا انت انسان مرتاح ماديا شوف طبيب نفسي هو رح يخليك نوعا ما تكون ملتزم فالخطة تاعك باش تخرج من الحالة لي راك فيها .. بصح اعرف حاجة وحدة برك التغيير يبدا من عندك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google