![](/static//assets/img/anon.png)
مجهول
السلام عليكم، فهاد الأربع سنين الأخيرة فقدت إثنين من أفراد العائلة "رحم الله أمو..
السلام عليكم، فهاد الأربع سنين الأخيرة فقدت إثنين من أفراد العائلة "رحم الله أموات المسلمين" و لازلت تحت تأثير الصدمة لحد اليوم بمعنى حياة بدون معنى وسواد لا يوصف، الرجاء من حضرتكم تقديم النصيحة و الدعاء. جزاكم الله كل خير
لازم تتقبل وتلجئ لله و لازم تنظف الحزن و لابأس ادا زدت زرت طبيب نفسي متمكن
رحم الله موتاكم واسكنهم فسيح جناته و ألهمكم الصبر و الثبات اخي او اختي الكريمة اولا يجب التقبل ان كل نفس ذائقة الموت، وكلنا مصيرنا الوفاة ولكل نفس اجل و والحياة هذي مقدرة لكل بشر شحال راح يعيش بالدقيقة والثانية وواش راح يخدم و كيفاش تكون حياتو و كيفاش يعيش وكيفاش رايح يموت، كي تزعف و تحزن وتبكي وتطفرها في روحك، ومبعد واش راح يصرا غير انك ضريت روحك؟، الافضل لك انك تدعيلهم وتتفكرهم في صلاتك وتتصدق عليهم و تذكر محاسنهم وما تنساهمش كي دير الخير، و تتقبل ان هذي هي سنة الحياة، تفكر انك هذو لي توفاولك راك شبعت منهم و عشت معاهم و تقاسمت معاهم لحظات طيبة، ونعاود نفكرك انك راك تأذي في نفسك هكذا، ولوكان هذو لي توفاو يشوفوك ما يرضاوش على حالتك و حتى هوما يتأذاو كي يعرفو حالتك، حاجة اخرى تقرب من الله و اكثر من الصلاة والدعاء و فعل الخير و قراءة القرآن و حاول انك تصلي صلواتك جماعة.. هذو الافكار لي جاوني وكنت نهدرلك من منطلق اني خدام في مكان عمل يوميا نشوف الموتى ويوميا نشوف الحزن ودائما نشوف هذي الظروف .. ان شاء الله نكون افدتك و رايح نصلي وندعيلك في صلاتي يا اخي المجهول سلام
ماراكش مسجل معانا. تقدر تفيدو؟
تقدر تدخل بسهولة منا
Sign in with Google