السلام عليكم، أنا حبست الدراسة في الأول ثانوي ثم اكملتها حتى البكالوريا، امتحنت ..

السلام عليكم، أنا حبست الدراسة في الأولر ثانوي ثم اكملتها حتى البكالوريا، امتحنت في سعبة علوم لكن لم اوفق بسبب عدم الدراسة والعمل، الان لدي وقت فراغ، ارغب في اعادة شهادة الباك في شعبة اداب وفلسفة، سؤالي هو كيف ابدأ الدراسة وانا لا اتذكر اي شيء عن الدراسة على الاطلاق؟ متى وكيف واين والخ؟

شوفي ماتتقلقي ما والو كلش ساهل، عندك برك زوج حاجات: 1. المحتوى على يوتيوب 2. التمرن اسبوعيا على الاقل هذا مكان بالنسبة للنظام انا ننصحك تتبعي الاستاذ ترير احمد، رائع بزاف سيرتو فالرياضيات، وهذا العام راهو بدا سلسلة خاصة بالأدبيين رائعة جدا، يقري بالتدرج، وكذلك قناة الاستاذ بورويسة ولا أروع سيرتو فالتمارين يعني ركزي برك انك تحلي تمارين كل يوم، مدة قليلة جدا بسح فيها بركة، وتكون مستمرة، على الاقل القليل اسبوعيا في كل مادة اقراي فاليوتيوب وتبعي نصائح الاساتذة اسمعيلهم مليح مليح، ديري هدف لروحك وادعي ربي واقراي الاذكار وصلي صلاتك، ودايمن اتفكري الهدف تاعك دوكا باش تبداي اكتبي فاليوتيوب برنامج المواد لي لازم تقرايهم، واكتبي كيف اتفوق في الرياضيات مثلا، السر للعلامة الكاملة، شوفي الناس واش راهي تقول وتبعيهم، حطي قدامك البروغرام وابداي بالترتيب كل درس اقرايه وحدو ونصيحة اخرى تبعي الريتم تع النظاميين معنتها ماتكونيش متقدمة عليهم، اذا مزالهم يقراو فالجبر اقعدي فالجبر مثلا والفلسفة مانوصيكش، اقراي بزاف المقالات وافهمي الافكار تاوعهم وفقك الله !