مجهول
السلام عليكم، عندي الأبوين ميفرحوش بالإنجازات لي نحققوها. بالمعنى الصريح معندهمش..
السلام عليكم، عندي الأبوين ميفرحوش بالإنجازات لي نحققوها. بالمعنى الصريح معندهمش هاديك الفرحة الهستيرية لي نشوفوها عند العديد من الآباء مثلا فالنتائج تاع الباك فرحوا بزاف لأحد أفراد العائلة بطريقة ملحوظة الصراحة و بداو يعايرو فينا ان صحى التعبير و يقارنونا بالغير مع العلم مستوانا و الحمد لله لابأس به.السؤال، هل هاد الشيء طبيعي ولا أنا راني نبالغ؟ إجابة كل واحد منكم تهمني. شكراً للجميع
والديك مشهم أنبياء معصومين لذلك تعامل معهم على هذا الاساس راني نحكيلك عن تجربة ما تعمرش راسك هذا وسواس خناس يفسدلك حياتك شوف خويا
الحاجة الاولة مستحيل الوالدين ما يفرحوش بولادهم بصح كاين لي ميبينوش ممكن يحبو يحفزوك باش تتحداهم و تزيد تنجح اكثر و تتفوق هاذي غلطة مشني نقلك راهم صحاح بصح الدافع تاعهم مستحيل يكون سيء ولا يحبو يحطموك
الحاجة الثانية هاذي ااصفة السيئة مثوارتة في الجزائر و اغلبية الوالدين هك تبانلهم حاجة مليحة باه يحفزوك و لكنهم غالطين بصح نتا كون تبعهم بلي غالطين و تعاندهم درك تفقد الرغبة في القراية و تقدر تحبس و مبعد مع مرور الزمن تخسر غير انت بينما كون تزيد تنحداهم و تديرلهم رايهم راح تربح ما يلقاوش بوش يعايروك و يستعرفو بيك بالسيف مالا كونك فحل و تحداهم ما ديرش لروحك اسباب بش تفشل
و كون متاكد بلي والديك يفرحو بيك و يحبوك و يتمناولك الافضل حتى اذا غلطو في حقك اقسم لك بالله ما تلقى كيفهم في هاذي الدتيا غير والديك يحبوك بدون مقابل و اما فرحتهم بواحد اخر من العايلة ولا جاركم ولا اي واحد اخر هاذيك فرحة محتمة كيشغل 🤣تدخل فاها بزاف نوايا يقدرو يكونو فرحو معاه بسبب والديه يحبوهم و علاقتهم مليحة يقدر يكونو اسباب بزاف المهم كون متاكد بلي نتا لكان تجيب معدل خير من الناس كل راح تمون فرحتهم ما عندهاش حد و هذيك اقل حاجة ممكن ديرهالهم مالا خويا العزيز تحدى روحك و تحدى كلش و ديرلهم مفاجئة اكثر من توقعاتهم و شوكيهم باافرحة كي ديرها درك تفهم وش قتلك كل و نشاله كي ديرها ارواح خليلي تعليق قلي وش صرا😁😁بااتوفيق اك تقدر عليها ما تفشلش تعمل على ربي و ديرها do it😉😉you can😁
ماراكش مسجل معانا. تقدر تفيدو؟
تقدر تدخل بسهولة منا
Sign in with Google