قطتي مريضة نحتاج اعانة على تشخيص حالتها

عندي قطة تقريبا في عمرها 6 اشهر كانت لاباس بيها من وهي صغيرة دركا وفجاة حبست الاكل عندها تقريبا 6 ايام ماكلات والو ابار لقمة فاليوم وفالصباح تتقيا حشاكم خطرات ترد سائل اصفر خطرات شفاف بيسك تشرب غير الماء وتاني البراز تاعها سائل وتش حالتها نحتاج طبيب بيطري يجاووبني او شخص غندو خبرة بلييز راني مقلقة عليها ومانقدرش نديها للطبيب راني في منطقة نائية و تاني للعب والجري راهي عاادي والنوم تاعها تان عادي عاونوني

عندها تسمم اكيد جربي شربيلها زيت الزيتون و شوفي اذا تحسنت حالتها اذا ما تحسنتش في غضون يومين اديها للبيطري يقدر يكون عندها الدود و الدود كون ما يتعالجش يقتلها و ديري حسابك بلي اذا عندها الدود اي تقدر تنتقل العدوى للبشر تسما غير ديرلها بلاصة بعيدة عليكم في الدار باش ما تنقلش العدوى اذا كانت مريضة و من الافضل تديها للبيطري حتى اذا تحسنت لانو صعيب تشخصي حالتها وحدك لازم طبيب