مجهول
عندي 300مليون ومحتار في المشروع للنطلق فيه؟ زعمة اذا شريت سيارات صغار وكريتهم لن..
عندي 300مليون ومحتار في المشروع للنطلق فيه؟ زعمة اذا شريت سيارات صغار وكريتهم لنهار فكرة مليحة؟ ولا واش تقترحولي افكار؟
اكري مكان و جيب خياطات و اشري ماشينات و السلعة منها دخل دراهم و منها رزق للناس و خاصة النساء مايقدروش يخدمو واش جا و من الأحسن تدي خياطة هي تعرف وين السلعة بالجملة و الماشينة المليحة في هاد الوقت راو يمشو غير الحوايج
عمرك ما تستثمر كامل راس مالك في مشروع واحد لكان تخصص 10٪ منو فالتجارة الالكترونية فالجزائر راهي مليحة بزاف
لا أخي مشروع فاشل عدم الاستحفاض عند ألي تكريلهم راح تخسر بزاف فالاصلاح
الحديد عمرو ماكان راس مال نصيحة اخطيك 300 مليون تقدر تخدم بيها برشا حاجات خير 😊
تبانلي حاجة مليحة و تربح فيها بل بزااف باسكو راهم لنص نهار ب 2000دج و نهار كامل ب 5000دج
Fiha risk khamem fi ghardek 300 melyon t9der dir biha projet chbab wla hata 2 les projets
اقسم رزقك لاثنين النصف شري بيه سيارة و خدم بيها طاكسي و النصف الثاني دسه ، كيزيد مدخولك زيد شري سيارة وحدوخرا و تاني ديرها طاكسي و خدّم كاش واحد تعرفه و توثق فيه ولا خوك ... بعد مدة زيد كمل هكا حتى تحل لوكال تاع تاع سيارات الاجرة ،... المشاريع الكبيرة لازملها بدايات بسيطة و بالتوفيق ان شاء الله ☺️
ماننصحش بخدمة هاكذ شعبنا صعيب لي خدموها كامل راهم يشكيو الاستحفاظ بالماتريال ماكانش لاقدر الله ضربة قاوية لاسرونس تاعنا ترجعلك دراهمك بعد عامين و تمرميد و لجريات انا شخصيا لالا
Dir ptt villa m jihet lbhar ki tbniha marahch tst9amlk bzf w ekriha am ykrohom minim 6000da par jour y3ni rah tzid terba7 kter w kon tkriha f sif berk w b 6000da berk rah jib kter mn 50 mlyoun w zid tem w dir projyat whdoukhrin terba7 bihom .... ect
استثمر فيا أنا خلصلي نقرا في الخارج و مين نكمل و نولي مهندسة في الآلات الطبية نرجعلك الدوبل تع دراهمك 😊👌
مغازة كوسميتيك 😍😍😍 انجح مشروع ممكن ديرو في حياتك خاصة اذا جبت الماركات العالمية في الماكياج مثلا
عندي مشروع ب 100مليون في فترة صغيرة اقل من شهر تدخل فايدة كبيرة بصح ماشي دايمة يعني جي خطرة فالغرة يعني آفار ادا مهتم ارواح بريفي
Te9derr tehal cafè mnha patiserie mnha cafè tkoun modèrne wla hja hbha seeeh pg3od m3a rohk w khmem bien lsl hja tfehm fiha w t9der tkbreha w twli mochro3 akbre w morebih w fy nfes wa9t tkon tkhdem fy hja thbha mtkrehch الإنسان لا يبدع الا في شيئ يخبه حقا bonne courage ❤
انا خططت كثيرا لهاذ الشيئ لكن مزال معنديش رأس مال لكن نقدر نمدلك فكرة بزاف قيمة و درستها من كل النواحي جوز لبريفي لربما نقدر نفيدك
انا في رايي تفتح مقهى هي الخدمة لي متخسرش فيها رأس مالها راح متريال و فيها فايدة مليحة
تقدر دير كراء معدات بناء, سيارات مليحا بصح راح تخسر فيهم باسكو كاين لي يحرث على طوموبيل , هي صحا تكريها ب 300 الف للنهار بصم تقدى تخسر طونوبيل كامل في نهار في حادث. ,
A mon Avis lokan tdir une atelier ta3 khyata Twli tkhiyat fiha sal3a li rahi tamchi w tkoun moderne hijabat , des tapis , des rideaux , des ensembles....etc ou bien vous faites une supérette d’alimentation. Generale f une place li mafihach les supérettes w tjib fiha plein de profuits li na9ssin qf sou9 grave tnjahlek
في بلادنا الحاجة لي تصحلك غير الماكلة سما فاست فود ولا سوبيرات ولا مواد غذائية تنجح بزاف و الله💕
Cafétéria tekhdem ghaya wellah imagine techri hlib b 90 da w coffee b 200 da eyya tbi3 kass café au lait b 100 da, fiha rbah ghaya w en plus hed l projet li yakol fi bladna sinon dir supérette
50% khalih ou 50% importé bih ou 3awd sog ila kont 9afez La diwan tnahilek 10% man 50% ou 40% terbah biha hata 60%
Madirch ras malk kaml f un projet nenshak b Network marketing Kon teteab ealih wallah tendjah wtkder tbdah ghir b 100mlyoun wla a9al
Kri 7anot w khdem mercerie wlh khadma chaba w fiha draham srt la kont f blasa fiha ghachi
دراهم كراء السيارات مشكوك فيهم و الله اعلم .. زيد استفسر من الناحية الدينية من بعد شوف المدخول على الاقل يكون حلال
عليك و على التجارة و انجح حاجة في التجارة هي تجارة صوالح النساء : ملابس اكسيسوار ماكياج و غيرهاا
Ana nkhdem vendeur fi superette kbira w m3rouda fi wahren khdmt fiha f la vaisselle w khdmt f alimentation w mnt ni khdem f cosmetique tjr f nafs superette 3la 7sseb ma nchouf li fih lkhdma hiya alimentation frère donc ida dertha ra7 tenja7 b idn allah w secret hiya ana tbi3 b des prix chabin .... Allah ywf9k
لحاجة لي نشوفها ناقصة في يلادنا هي أماكن لي يلعبو فيهم لولاد. بأمان ننصحك تشوف @birka_batna دار حاجة مليحة وراس مالك يكفيك وتزيد تفيد منو شوف العاب لي دارهم في بيتزيريا الاهل ياكلو على راحتهم والاولاد يستمتعو وكاين لي يعسهم
نصيحة لراك حاب تشري طاكسيات وتكريهم غير اشري طاكسيات اكسيدون من قبل هكا باه متهلكش روحك
نصيحة اخي اخطيك من كرااء سيارات راح تخسر راس مالك ومتستثمرش راس مالك كامل دفعة واحدة قسم راس مالك و استثمر كل مبلغ في مشروع
J'ai une idée c'est tu veux je te proposé c'est quelqu'un qui intéressé le contacté moi au privé merci d'avance
Dir cosmetic wella mini superette , 7anout 9ach tae nsa , mais location mahich affaire 9adra tsib w 9adra tkhib akter
متقلقش حبيبي ما شيكتش إلى فكرة مليحة برسك تولي تتعامل معا كامل ناس مشي قاع ناس يستحفظو او شوية فيها مشاكل في رأيي والله أعلم 🙏
لا اخطيك راجلي خدمها عشر سنين و نقدر نقلك بكري كانت ماشية و فيها خدمة درك لا و زيد ثاني الطونوبيلات يفزدو و تلقا روحك في مرة وحدة خاسر على الكوموبيل اكثر مالي جابتهولك
اشري محل كبير و خدمه على شكل مقهي و كريه فيها دراهم و اذا عندك إمكانيات تشري معدات اشتريهم تاني و كريهم فيهم دراهم و لا محل العاب تاني فيها دراهم و بشوية قعد تزيد في العاب
التجارة وعمرك ما تفرغ دراهمك كامل في بلاصة وحدة، التجارة في ملابس النساء والأطفال والاواني مربحة جدا وشري بالجملة تربح
ماراكش مسجل معانا. تقدر تفيدو؟
تقدر تدخل بسهولة منا
Sign in with Google