مجهول
حبيت نسقسي اذا كاين مختص تغذية يقدر يمدلي نظام غذائي يخلصني من تقصف الشعر ( تقصف..
حبيت نسقسي اذا كاين مختص تغذية يقدر يمدلي نظام غذائي يخلصني من تقصف الشعر ( تقصف الشعر من الجذور ) أو اذا كاين حل اخر يساعدوني المتابعين
روحي شوفي فوائد بذور الكتان على اليوتوب، انا شخصيا شفت عليها نتيجة جيدة و لكن المداومة تلعب دور، اما عن طريقتي في استعمالها، انا ناكل مقدار ملعقة قهوة يوميا على شكلها يعني دون الحاجة الى طحنها، رايحة تلاحظي الفرق خلال شهر و لكن ما تاكليش اليوم و تڤطعي غدوة
ديريلو الثوم ولا زيت مع الفلفل و لا ديريلو ماسك الزعتر و بروتين البيض اما الماكلة كتري من تلسلاطة و السلق💕
ننصحك باستخدام بيوتين غالي شويا مي مليح، ويلا كان شعرك طويل من الافضل تقصيه
جربي olaplex وادعيلي.. علاج رائع للشعر.. تستعمليه مرة في الشهر لمدة ثلاث اشهر وراح تلاحظي النتيجة من أول استعمال..
تريد توجيها و نصائحاً لانشاء مشروع بميزانية صغيرة او معدومة!! تابع صفحتنا👌
Asmamk_281
100
زيت جوز الهند روعة روعة و الغذاء يلعب دور مهمد جدا لازم توكلي مصادر الحديد و الاوميغا و العناصر لي يحتاجها و يتغذى عليها الشعر و كل شهر نقصي من شعرك شوية نحي لي فوغش باه ما يطلعولكش و يفسدولك شعرك كامل
واحد ميفتي عليك كولي فيتامينات الشعر و و مارس الرياضة ايلا تقدر ذكر و لا انثى الرياضة فيها دور كبير ثاني
جماعة عندي غازات و تجيني ضيقة و نحس جيهة قلبي تسطر شوي واش تنصحوني و هاذا كامل من الغازات مهم سؤال بعيد على الموضوع بصح يطولو باه يحطو و شكرا
الاحسن تروحي للطبيب وتشوفي المشكل وينراه يمكن فالجلدة تاع راسك او سبب داخلي يعني لازم ديري ليزاناليز
ديري الغسول المغربي حوسي عليه في يوتيوب كيفاه يخدموه و كلش بالمداومة
شوفي انا شخصيا كنت نعاني من تساقط الشعر جبت زيت العنب و زيت جوز الهند مادابيك ادا جبتي المنتوج الاوروبي و خصوصا ادا كان بيو انا نفعوني
الأخت شعر الإنسان هو نضام حيوي كجميع انضمة الجسم يحتاج صاقة و مغذيات من الاكل كا يوم و سيتاثر باي تذبذب في نضام اكلك 👌 وفي الكفة الاخرى سترين تحسن واضح بمجرد البدئ في برنامج تغذية خاص لجسمك و الذي يمكنني برمجته لكي 🙏 مرحبا لكل مهتم
Zinc cuivre b5 b6 b8 acide gras w acides aminés soufré : sema takli fruits légumes poulet banane poissons viande rouge ail oignons légumineuses pomme de terre ..... hado ds aliments mlah lch3ar ida ma taklihomch ga3 c probablement ça le probleme mais faut de préférence consulter un médecin .
ماسكات الزيوت زيت الزيتون والخروع والاكليل وزيت الثوم ديريهم وتغسلي أو بيض على حسب طول الشعر تزيديلهم زيت زيتون وتخليه مدة وتغسلي او بذور الكتان تغليها وترحيها تخليها 4س وتغسلي مرة فلاسبوع كيراتين طبيعي
ماراكش مسجل معانا. تقدر تفيدو؟
تقدر تدخل بسهولة منا
Sign in with Google