مجهول
السلام عليكم عندي مشكل في القرنية قالولي النواظر مايفيدوكش؟ لي عندهم حالة شبيهة ..
السلام عليكم عندي مشكل في القرنية قالولي النواظر مايفيدوكش؟ لي عندهم حالة شبيهة واش دارو وواش من جهة تنصحوني بيها؟
اخي انا عندي اعوجاج في القرنية وكنت ناقص نظر خاصة في الليل رحت لمحة في الجزائر العاصة جاية في الابيار ركبت عدسات والحمد لله راني نشوف مليح .لكن العدسات راهم ب 12 مليون وزيد سقسي.
خويا لكبير كان عندو مشكل في القرنية و جرب كلش جرب الدوا النواضر و العدسات و حاجة ما نفعتو ..من بعد قالو طبيب بللي المشكلة تاعو إسمها "اعوجاج القرنية" و في هاداك الوقت ماكانش علاج في دزاير و هو تقريبا يأس و دخل في دوامة و الحمد لله كاين ابن عمنا يخدم طبيب بحث على الحالة تاعو و قالو بللي العلاج تاعو في تونس و بالفعل راح لتونس في مصحة خاصة و دار عملية خفيفة و درك بعد حوالي ثمان سنوات راهو بأتم الصحة و العافية و لله الحمد . هادي عملية يديروها بالاشعة ما فوق البنفسجية شغل يثبتو القرنية "يسوديوها" شغل باش ما تزيدش تتحرك من بلاصتها و يحبس الإعوجاج و في وقتنا هذا العلاج راهو متوفر في الجزائر بالأشعة ما فوق البنفسجية و مش غالي كما كان بكري يسقام ب 12 مليون على ما أظن نتمنى تكون بخير و ربي يعافيك و يحفظك و يحفظ عينيك إن شاء الله
نوع المشكل ؟ أنا نعرف واحد مرض من القرنية نقصتلو بزاف ما يقدرش يبرا غير اذا دار عملية زرع قرنية جديدة، حالتو هو أنو مرض بحمى فيها كشغل حبة نتع حمى و ما فاقش حتى نقصتلو القرنية. اذا عندك حالة هكا ماكاش حل من غير عملية زرع القرنية، تقدم طلب في الخارج و تصبر قادر تستنى اسبوع قادر عام كامل و يعيطولك كي يلقاولك متبرع.. و ما تقدرش تدير العملية حنى تقفل خمسة و عشرين سنة ما علاباليش علاه بصح ذي قاعدة . و المفروض الطبيب يقولك وشنو الحل من غير النواظر ما يخليكش هكاك أي طبيب هذا و أي استهزاء
Roh clinique visuel chiali smile f cheraga dar dyaf tri9 li tedi l bni mesous 3andhm docteur ellh ybarek howa y9olk wach lazem
ماراكش مسجل معانا. تقدر تفيدو؟
تقدر تدخل بسهولة منا
Sign in with Google