مجهول
السلام عليكم انا عندي حساسية من الغبرة راني نداوي عليها بصح ظك مع الوقت ولات دير..
السلام عليكم انا عندي حساسية من الغبرة راني نداوي عليها بصح ظك مع الوقت ولات ديرلي الكحة و يروحلي نفو معاها بصح ديرلي غير من الليل لليل و رحت شحال من طبيب بصح مدارولي والو ، لي كيما حالتي يقلي وش دار ولا وين راح ، و الله راني من لعيد مرقدتش كي ناس ، نرقد غير من ورا الفجر نبدا نقدر نتنفس
Telfast 120mg mlih f lil tergod alaise w nifek maysilch 24h w les gouttes ta3 nif sbah hada calmant mais ya pas de médicament miracle contre l'allergie nchallah bon rétablissement
انا كنت نعاني من هاد مشكل ومشيت لبزاف طبة ومكن والو دوكا عندي وحد خمس سنين وليت منداويش وخليتها صح نسوفري مرات مي بديت نوالف ، حساسية اذا حبيتها تخطيك لازمك تبعدي على مسببات الحساسية وهذا شي مستحيل يعني اصبر ومع وقت باذن الله ترتاح
يجب اول شيء القيام اختبار الحساسية les analyses, هنا تقدر تعرف الاسباب لي تفعلك هذي الحساسية تجنبها مثلا الصوف ، الحيوانات الطيور اذا كان عندك في الدار ، روائح الكريهة ، رواءح المواد اليلاستكية ، الملابس الغير القطنية ، المعطرات ، deodorant, استخدم stic
لازم تعالج عليها في أقرب وقت أمي هكاك بداتلها وتطورت حتان عادت تتخنق خلاص ويروحلها النفس طووول راحت لطبيب الأنف والحنجرة عطاوها بخاخات الربو ومعاه ادوية اخرى والحمد لله تحسنت بصح بعد على الجافيل ومواد التنظيف والعطور القاوية ريحتها وربي يجيب الشفاء
100 g toum f 1 litre zit zitoun... Yetra9do simana... 2 mgharef Sba7 durée de 3 mois wsay. Mjarba. W surtt évité ghabra. Rabi ychafi
اذا كانت مخدة تع صوف غير بدليها. منينداك منحملوش l'humidité مالا مليح كي تغلقي تاقة. انا واحد الوقت مكنتش نحمل كليماتيزور بصح كي داويت نقستلي. لازملك طبيب مليح باش متوليش آزم . ننصحك بالطبيبة فيلالي في قهوة شرقي ادا انت من العاصمة ، نورمالمون ديرلك تاست على التنفس باش تعرفي اءا مزالها حساسية برك . بالشفا ان شاء الله
انا عن تجربة اختي /اخي .... درت زيت الحبة السوداء الاصلي .. لي يجي في كانات تاع حديد و فيه رسم الجمل يدير وحدل 80الف ... المهم درناه انا و اختي و اخي و كنا كيما انتم ... 7ايام في للشهى في الليل كي تجو ترقدو قطرة في كل تجويف ... و الحمد لله يا ربي خفت الحساسية بنسبة 90 بالمئة ... عن تجربة و ام شاء الله ربي يشافي كل مريض
من انا راني نعاني بدات هكا درك وليت منحمل حتى ريحا و دارولي اللحميات في نيفي راني نسوفري
الزعتر و زيت الحبة السوداء شمها و كول القرنفل ولا دير زيت تاع الثوم تعاونك بزاف و قبل كلش حوس على الحاجة ليمسببتلك الحساسية و ربي يجيب الشفا✨
شوف خويا بالنسبة للكحة و ضيق التنفس في الصدر دير 7 حبات قرنفل نحيلهم الراس و ديرهم في كاس ماء يباتو و الصباح على الريق أشرب هذاك الماء و ديرها يوميا على مدار 21 يوم و ربي يشافيك و يشافي جميع مرضى المسلمين .
طهورا ان شاء الله. انا معنديش الحمد الله لكن سمعت من مقربين مرضو بيها انو مكاش احسن من الاعشاب و دوا عرب باه داوي حساسية خاصة زيت زيتون و عسل. انا واش ننصحك. .دك في الوقت بدل الضائع في اليحث عن طبيب اعشاب جيد باش داوي عندو ابدا بشىب زيت زيتون صباحا على الريق مغرف و مساءا قبل النوم و سترى العجائب .. صديقتي المقرلة و لات داوي نفسها غير بزيت زيتون و لقات عليها
يمكن حساسية من الوساده تع صوف ولا فراش ولا مطرح مام انا نعاني نفس المشكل 😢😑ملقيتش حل على مدار العام
كيما ننصحك باستنشاق مغلي القرفة والطيب وزيد شوف قناة محمد الفايد في اليوتيوب تحدث على الحساسية
و بالنسبة للأنف باه يتحلك شوية ديري خل فصبعك و ديريه فنيفك حشاك مع الاول يحرقك شوية و من بعد نورمال متحسيلوش
ديري كيلو عسل حر فيه 50 غ حبة البركة مرحية وكل يوم كولي ملعقة على الريق
ننصحك بشرب الزعتر تغلي الماء وتحط فيه الزعتر وطفيه يعني متغليش الزعتر واشرب كل ليلة كاس وربي يشفيك اختى كانت كيف هاك وارتاحت الحمدلله وحاجة اخرى اذا عند الضغط متشربش كل ليلة راه يطلع الضغط
الطبيب يدرلك test و من ثم يعرف وشمن حساسية عندك يعني إتجاه واش عندك الحساسية من ريش الحمام أو الصوف أو الغبرة أو أي حاجة رايح يعطيك vaccin ديريها ويقلك بعدي على هدو اللي درلك الحساسية منهم
هادي باينة كاش حاجة فالدار راهي دايرتلك الحساسية , ريحة ,معطر الجو , بونج , مخدة تع صوف... لازم تحوس على السبب
Khoya nenshak troh 3and un bon allergologue (tbib t3 hassassya) matkhod hata dwa ml3andek psk lhssassya ki tkon bzyada tetcomblikelk b se qu'on appelle un asthme allergique safi lazelmk tbib hoi alablo wech mdwa ymdlk esq corticoide wela anti histaminique w rebi yjib chfa nchlh
عندي نفس المشكل ، حساسية من اي رائحة قوية و ضيق شديد في التنفس، بديت ندير في Buducort كي نحس روحي مش مليح تريحني مليح
ديري مغرف زنجبيل و مغرف كركم و خلطيها بالعسل الحر .. كي جي رايحة ترقدي و لا فأي وقت بغيتي ديري كويرة صغيرة و بلعيها و الله تنقصهالك ربي يشافيك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google