مجهول
ممكن نسقسي على اللي تعرض للصدمة نفسية كيفاش قدر يرتبط بعدها و كيفاش عالجها . وهل..
ممكن نسقسي على اللي تعرض للصدمة نفسية كيفاش قدر يرتبط بعدها و كيفاش عالجها . وهل يعالجوها بالتنويم المغناطيسي؟
انا جازت عليا الصدمه تصدمت من إنسان كنت مبنيه عليه حياتي مستقبلي كان واعدني انو نكملو حياتنا كيفكييف وعدني بزااف نقولو قراني لامان حتى لحق وين نهار تخلى عليا بين ليله و نهار ملقيتوش مقدرتش نبكي كنت نبكي شويه و نسكت روحي نقول مايستاهلش و نبلع لبكيا حتى جبتها في روحي وليت ليل منقدرش نتنفس نحس حكمني ديق النفس يلحق ليل منقدرش نتنفس سوفريت بزااف حتى ولات تجيني في نهار بعد ما كانت تحكمني غير في ليل مرضت بزااف بيها بقيت نحوس واش هو السبب بأه رجعت هاكا لقيت اسمها "نوبات الذعر " قريت عليها بزاف داويت روحي بروحي عمر وقتك بخدمه بسبور باي حاجه المهم متخليش نفسك الفراغ لانو في داك الوقت تزيد تمرض اجتمع مع الناس متنعزلش عليهم وأهم حاجه والي نوصي اي واحد عليها هيا المداوم على الصلاة و قراة القرآن والله والله غيير تحس بتغيير رهييب هذيك الصدمه تنساها كامل تحس انو مجوزتش هذيك المرحله و عليك بسورة يس والله عن تجربه متندمش عليها فيها معجزات و ربي يشافي جميع الناس ♥️🙌♥️
نتا والا نتي و الصدمة كيفماه بصح لا تنويم لا والو عليك و على تحكي مع واحد ماتعرفوش تفرغلو قلبك و ما تزيدش تتلاقاه خلاه و الارتباط حاجة تع مكتوب المهم تكون خرجتي م التجربة لي عشتاها أقوى و ما تبنيش علاها احكامك يعني بلا توسويس و ما يخلصش الشخص لي ح ترتبط بيه اخطاء عيشهالك لي صدمك
وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ فَسَبِّحْ بِحَمْدِ رَبِّكَ وَكُن مِّنَ السَّاجِدِينَ وَاعْبُدْ رَبَّكَ حَتَّى يَأْتِيَكَ الْيَقِينُ. الجأو الى الله غلن يردكم خائبين منكسرين اللهم اجبر قلوبنا و خواطرنا جبرا انت وليه💚
تعتمد على قوتك وشخصيتك ومحيطك وايمانك يكون قوي بالله ، ربي يحبك لازمك تعرف هادي يحبك لي خلاك تعرف ناس لي ف حياتك ، اذا مقدرتش عليك وعلى عقل الباطن او تعمل دورة للبرمجة لغوية عصبية ، اخطيك من تنويم ، لكن تقدر تتجاوز وحدك برك قوي قلبك وكون علاقات وصداقات يكفيو 😍😍
ملي شفيت على روحي و انا صدمات صدمات 😂😂 هكاك و راني عايشا ني تنويم ني قدور
تمرين تع ابراهيم الفقي تخلص من مشاعر سلبية عن تجربة مارسوا عدة مرات... تلقاه في يوتوب... صدمة هاديك راح تولد مشاعر سلبية حتى و تنساه راح تترسخ في علقك الباطن و تمرين هذا علاج بحقل الفكري راح يعاونك انها تتمسح من عقلك الباطن...
يجب الاعتقاد ثم الايمان اننا مكاتيب لبعضنا البعض، انت مكتوب للاخر والاخر مكتوب لك او لآخر ليس انت، كما أنه يجب ان تعلمي انه لا ضمانات في الحياة وان كل انسان تلتقي به هو تجربة ودرس لتتعلم معه ومنه سواء كان والديك اقرباءك اخوتك اصدقاءك زملائك أحبائك، كل انسان له دور في مسرحية الحياة، لا تثق اكثر من اللازم ولا تبني توقعات حت لا تصدم بالواقع بعدين، خلي نفسك دايما قريب وبعيد شوي، ابكي عندما تنام بصمت ودع الدموع تخرج والسلبية والتراكمات والصدمات والألام وانهض بعدها وحاول ان تتعرف بطريقتك واعلم ان هناك الف طريقة للتعرف بأحدهم ان لم تنجح أ، ستنجح ب، ان لم تنجح ت سنتجح ث، واصل حتى تلتقي بمن سيحبك وأفضل شيء تفعله لعلاقة سليمة؟ الصراحة العفوية الجرأة الإهتمام الحنية الحب النقاش.
@hindaspace @safia_thacene @mohamed_nadjmo @drahmedemara @hamidiisma saraha mali walit ntab3hom wlh hmd thasant bzf mem andhom des chaîne youtube idiro dawarat kima bon courage
الارتباط والله معلابالي مي الصدمة والخذلان ماعليك غير بسورة البقرة يوميا تجيك صعيبة فلبداية توالفيها متديش نص ساعة من وقتك تولي تشوفي الامور صغيرة في عينك وتريح نفسيا
حسب الصدمة النفسية! اذا كانت فشل عاطفي ممكن تستفيد من تقنيات علاج نفسي أسمو العلاج السلوكي المعرفي، اما اذا كانت صدمة نفسية كوفاة شريك سابق ولا صدمة جنسية، يمكن الاستفاد من علاج EMDR، كلها عن أخصائي نفسي مدرب، الصدمات النفسية يمكن التحسن وتخطيها والتكيف مع الحياة بشكل فعال والعيش أفضل.
حتى انا تعرضت لصدمة و قد ما نحكي ما تتخيلش واش فات عليا، حكمني اكتئاب حاد و اعراضو بزاف مؤلمة ضيق فالنفس متقدرش ترقد، الماكلة والو، رحت عند طبيب نفسي و عطالي دواء، لكن ما شربتوش درت في بالي بلي ربي كتبلي هاد الشي يسما غير ربي لي يقدر يشفيني، و بالفعل رجعت لربي صليت دعيت بكيت و الحمد لله كيما يقولو لي خلق ما يضيع، ما نكذبش و نقول تجاوزت الصدمة لكن كي نحس بالضيق نسجد لربي و نزجع مليحة الحمد لله ❤️ ربي معاك
كل شي يداويه الزمن اي شي موت او صدمات او اي شيء رب سبحانه داير للانسان النسيان كون مكاش نسيان لي ماتتلو امو يبقا حياتو غاع يبكي و لي ماتلو زليدو و لي فؤقوه علة حبيبو و لكن حكمة رب سبحانه في الارض انه جعل النسيان فقط الانسان كي جيه مصيبه يلجأ لرب و يشد فيه يدعيه و يقرب ليه و كلشي يجوز باذن الرحمن
حسب الصدمة النفسية! اذا كانت فشل عاطفي ممكن تستفيد من تقنيات علاج نفسي أسمو العلاج السلوكي المعرفي، اما اذا كانت صدمة نفسية كوفاة شريك سابق ولا صدمة جنسية، يمكن الاستفاد من علاج EMDR، كلها عن أخصائي نفسي مدرب، الصدمات النفسية يمكن التحسن وتخطيها والتكيف مع الحياة بشكل فعال والعيش أفضل.
الا تقصدي الارتباط(الزواج) باش تتخطاي الصدمة، خي صحيح لازم تروحي عند معالج نفسي، بصح الأهم انو الشريك الجديد يغيرلك هاديك الصدمة، تولي عندك تجربة جديدة، ماراحش تنسي التجربة الأولى بالطبع بصح يخففها، تولي ذكرى سيئة فقط، هذا رأيي الشخصي فقط، و الباقي عليك و على مكتاب ربي، ان شاء الله ربي يساعدك على الشفاء و يلقيك بالناس اللي تكون في عونك
Nrml tnsa kolch c simple avec le temp et concentre toi f future w fch kyen 9odemk 3amer w9etk 7ata ykteb rabi
الرجوع الى الله والابتعاد عن المحرمات والعلاقات العاطفية وربي يشافيك
إدا حبيت تروح عند أخصائية نفسية تخدم بالعلاج المعرفي السلوكي لأنو أحسن علاج
تابعي المدربة والمعالجة الشمولية مريم العازم Myriam Elazim على مواقع التواصل الاجتماعي ولديها محاضرات ودورات جد عميقة ساعدت آلاف الأشخاص في تجاوز عدة صعوبات وصدمات . قناة اليوتيب: https://www.youtube.com/channel/UCK-yLbKovCor0srr8P8apUA ✅ قناة التلغرام: https://t.me/nour_ala_nour_myriam ✅ الحساب الرسمي لأكاديمية النور: https://www.instagram.com/academydeslumieres/?igshid=1na6b68gcildz ✅ حساب الإنستغرام: https://instagram.com/myriam_elazim_academy?igshid=71syasq9pdhe ✅ حساب الفيسبوك: https://www.facebook.com/Myriam.Elazim
كأخصائية نفسانية لا أنصحك بالتنويمالمغناطيسي و زيادة على ذلك لا تمارس هذه التقنية بل هي حالة نادرة
Nta wela nti ana li srali rebbi li 3alem bih, m dawit rohi bhadja wahda belli rebbi howa li katabli n3ich haka balak ibtilae balak dlamt kach wahed o rani nkhalles balak rebbi darli hakak bach yba3adni man el ada, atwaklou 3la rebbi o staghafrou o ahamdouh nchallah kollech ydjouz, nzidlek tan at9arab man rebbi bah mathasch b daya3 o salli o a9ra 9oraan y3awnek bzf bzf, wa ni3ma billah, rebbi yfarradj 3la djmi3 moumen
ماراكش مسجل معانا. تقدر تفيدو؟
تقدر تدخل بسهولة منا
Sign in with Google