ممكن تسقسيلي الناس لي سوتنات قبل واش هوما الاشياء لي ناخذوها بعين الاعتبار اسئلة..

ممكن تسقسيلي الناس لي سوتنات قبل واش هوما الاشياء لي ناخذوها بعين الاعتبار اسئلة يمكن نطيحوا فيها حول العرض التقديم لكتابة ..على العموم و بشكل خص تخصص hydraulique

أكثر حاجة يحاسبوك علاها هي المنهجية، من نوع وحجم الخط، المراجع، العناوين وعلاقتها مع الموضوع، الأشكال، الجداول، إلخ تقدر تروح للإدارة التابعة للتخصص تيعك تطلب منهم المنهجية خاطر تختلف من جامعة إلى أخرى، وزيد الأستاذ المشرف رايح يوجهك

اكد على الميزونباج مثلا الخط تخدمو بالكاطورز لواو جامي تكون فنهاية السطر..... المراجع اكد على (مرجع نفسه) (ومرجع سابق) ماتنساهمش.. وماتكتبش الاستاذ المشرف اكتب الدكتور المشرف بنسبة لشيوخا تاع الجامعات...

الامانة العلمية و منهجية البحث و الجانب التطبيقي يناقشوك على موضوعك بالاضافة الى الاشكالة والفرضيات والنتائج المتوصل اليها باينة يرخسوك شوية وشنو متتقلقش انت

التركيز على المنهجية اهم شيء

المنهجية وخطة البحث والمراجع والمصادر

تريد توجيها و نصائحاً لانشاء مشروع بميزانية صغيرة او معدومة!! تابع صفحتنا👌

رح يحاولو يعرفو ايلانتا لي درت الميموار ولا جبتها واجدة مالاجوبة تاعك يفيقولك

ياكدولك على منهجية و جانب التطبيقي

كل تخصص وكيفاه مشي كامل كيفكيف الي يكون خادم ميموار تاعو وفاهم واش راه يخدم اول حتى االاخر ميخافش ...الحاجه الوحيده انك متخافش كي تدخل تسوتني الخوف هو الي يخليك ترتبك وتنسى وتضيع معلومات من راسك دير شغل راك رايح تقدم ميني بروجي في جروب تاعك كيما العاده وخلاص بالتوفيق

يحاسبوك على اتفه الأشياء المراجع ماشي مرتبة الفواصل والنقط حجم الخط خاصة الأشكل والعناوين الصغيرة بالمختصر تشبع تبهديل ويغسلوك غسيل الدوارة اومبعد يمدولك نقطة مليهة وتخرج فرحان ربي ينجحكم كامل

La mise en page/ n’oublie pas de référencer tout ce que t’as pris du net ou d’un livre/ ne charge pas ton diapo une modélisation avec schéma est bcp mieux que des textes/ sinon mets juste des points et à toi d’expliquer et définir le point وربي يوفق