سلام أنا طالب سنة ثانية math info تخصص informatique نحتاج واحد متخرج licence ou ..

سلام أنا طالب سنة ثانية math info تخصص informatique نحتاج واحد متخرج licence ou master يعطيني نصائح على les débouchés و إن كانت صالحة لخدمة هنا و لا فلخارج و شكرا

عليك بالفريلانس من دوك

شوف رح نحاول نعطيك شوية معلومات... أنا متخرج ماستر RSD... منعرفش انت وش من جامعة تقرأ، لكن كاين جامعات ولا يديرو السنة الثالثة اختصاصين ISIL ou bien SI حوس عليهم و رح تفهم كل débouché على واش يركز. الماستر هي الصح حسب واش شفت أنا... في بلادنا في الدومان تع info كاين 3 ماستر مشهورين اللي هم : RSD ( Réseaux et Systèmes Distribués), GL ( Génie des Logiciels), SI ( Systèmes Informatiques.. aka Master Académique). هادو لي ماستر اللي متواجدين بزاف في أغلب الجامعات الجزائرية. و كاين جامعات عندهم اختصاصات وحد أخرى في الماستر، مثلا كاين جامعات عندهم :ماستر أمن المعلومات ( infosec)، Data Science ( هذا راهو parmi les top spécialités au monde)، Systèmes d'aide à la décision (normlt il y des modules pour le Business Intelligence)... و كاين اختصاصات وحد أخرين. المهم في الوقت الحالي لانفورماتيك راهي في عصرها الذهبي، في بلادنا مازال قيمتها ضعيفة صح، بصح بدا يزيد الدوموند على المتخرجين تاعها. واش نقدر ننصحك أنو لي دومان الي شاعلين في العالم الوقت هذا، و عندهم مستقبل مليح هم : App development على العموم تطوير التطبيقات: ويب، أو موبايل ( اندرويد ولا ios) راهو فيه خبز مليح، Infosec or CyberSec أمن المعلومات ولا الأمن السيبراني راهو مطلوب جدا خاصة اللي عندهم خبرة مليحة فيه، Cloud Tech الكلاود و التخزين السحابي، Big Data و هندسة البيانات أو نظم حفظ البيانات... هاد الدومان مليح بزاف و فيه Money ملاح خاصة للناس اللي تميثريزي التكنولوجيات و الأدوات تاعو، Business Intelligence هذا تاني دومان مليح، و بدا ينتشر بقوة عندنا في الدزاير، و يحتاج شوية تعب، و بعد ما تميثريزي واش فيه، رح تلقاه دومان مليح بزاف، و بلاما ننسى الدومان تع Data Science هذا هو المجال اللي نحبوا، و نتبع فيه و حاب ندير كاريار فيه، و راهو بحد ذاته بحر عميق فيه : AI، و بزاف مجالات أخرى ( هههههه لازمك تحوس باش تتعرف عليه) هو فيه تعب، و كي تتبحر فيه تحس روحك باحث ولا عالم، هو دومان مليح بزاف، و كل المجالات العلمية تحتاجه في هاد الوقت. En générale كل المجالات اللي ذكرتهم تقدر تدير فيهم كاريار as Freelancer، ما عدا Data science شوية...أما الباقي مثلا BI، ولا Cloud Tech، ولا Apps development، أو CyberSec هادو كاين دوموند عليهم Freelance... واش حاب نقلك في الأخير، انت اقرا و خير الدومان اللي يعجبك، و تحس عندك انجذاب ليه، و يولي عندك Passion ليه، و شغل قادر تقدم فيه، و حاول تتعلم و تستمتع بيه.