مجهول
اذا تسالي ماهي العوامل التي تؤثر على ارتفاع اسعار العملة الصعبة في السوق السوداء..
اذا تسالي ماهي العوامل التي تؤثر على ارتفاع اسعار العملة الصعبة في السوق السوداء؟ وهل هناك اي اجراءات مصرح بها للحد منها؟ حيث ان اسعار العملة الصعبة وخاصة اليورو و الدولار يأخذون مايقارب 50 دج ربح في كل 1 دولار او يورو. وهل هناك طرق اقل خسارة للشراء العملة الصعبة؟
ههههههه مالا علاه اسمها ااسوق السوداء وهذو يجيبو دراهم يا اما عندهم معارف فالبنوك يصرفولهم يا اما اهلهم لي فالخارج يدعموهم وقانونيا انسان عادي عندو فالعام يصرف معدا15000 دج يقدر يصرفها بالاورو ولا دولار ولا يكون عندو سجل تجاري ممكن فالاستيراد والتصدير ممكن عندو باه يصرف كثر
العملة الصعبة في الجزائر لا يوجد عامل يتحكم فيها لأن مقابل سعر الصرف بالبنوك يوجد السوق الموازية (السوق السوداء) إذ نجد الكثير من اللوبيات في سوق الصرف السوداء ما جعل التحكم فيها شله مستحيل
50 دج في كل 1 دولار... شوية مبالغ فيه. نظن ما بين 15 إلى 30 دج في أفضل الفرص. لأنو سوق فيه منافسة كبيرة، و لا يخضع لمعايير معينة تضبطه. أما في قضية واش يتحكم فيه، فقانون العرض و الطلب راهو كاين صح، حيث كلما قل العرض، و زاد الطلب على الأورو.. بالطبع رح يكون ارتفاع في سعر الصرف، و العكس في الوضع العكسي، لكن التغير المفاجئ أو الهزات الكبيرة راهي بفعل فاعلين بالطبع. لحد الساعة ما كانش اجراءات حقيقية لضبط السوق الموازية، أو محاولة تقييد العمل فيه... الدولة كل مرة تخرج بتصريحات، لكن يظل كلام للاستهلاك، و الحقيقة أن الوضع حساس بالنسبة لهذه السوق، فهو الممول الرئيسي لأغلب العمليات النقدية الخارجية الصغيرة، و هذا الأمر لا تريد الدولة تاعنا الاعتراف به، رغم أنه واقع. بالنسبة للحل اللي يقلل الخساره، فأنا ننصحك البحث عن البائع المباشر للعملة. بمعنى تشوف واحد مغترب، أو واحد بعثوله من الخارج و راهو يحوس يصرف هذيك العملة، و إذا بحثت رح تلقى اللي فيه الخير... دون ذلك، فبلادنا مازالت ما عندهاش أطر قانونية لصرف العملة، خاصة للمتعاملين او المستثمرين الصغار، و حتى المواطن البسيط، و تبقى منحة صرف 120 أو 130 يورو في العام... أقل ما يقال انها اهانة للمواطن، و تعكس ضعف البنية المالية، و المصرفية للبلاد... ربي يجيب الخير.
ماراكش مسجل معانا. تقدر تفيدو؟
تقدر تدخل بسهولة منا
Sign in with Google