انا طالبة جامعية لكني اميل كثيرا للفنون و الرسم و حابة نوصل لبعيد بهادي الهواية ..

انا طالبة جامعية لكني اميل كثيرا للفنون و الرسم و حابة نوصل لبعيد بهادي الهواية ،و حابة تكون عندي بطاقة فنان ،اريد أن أسأل هل بامكاني الالتحاق بمدرسة الفنون الجميلة ، شحال من يوم و ساعة يقراو باه ما تتأثرش قرايتي تاع لافاك ،و اسكو كاين حاجة مضمونة بعد التخرج ،و اسكو نتحصل على بطاقة فنان

شوفي كاين معاهد تع رسم بصح مايخلوكش تقري فلا فاك كي تٱنسكري فيه بيسك لومبلوا تاعهم شارجي علخر م الصباح للعشوة صون زاري وزيد الديبلوم تاعهم معترف بيه فالخارج تنجمي تطلعي بيه لفرنسا والا،وكان رسوماتك شابين كي طوري من روحك تنجمي تبيعيهم وديري خدمتك الخاصة،وبطاقة فنان تبالي كي تشاركي فعدة دورات فالويلايات تنجمي تتحصلي علاها،وأهم شي المجهود الشخصي تو او كلش متوفر ع النت كرسي وقتك الكل للرسم وربي يوفق💚

تبعي هوايتك لأنك ستبظعينوفيما تحبين وآفاق العمل كثيرة خصوصا على الإنترنيت حتى وان مكانش حتى حاجة مضمونة ما تعوليش على التعليم الأكاديمي.

حاجة مليحة بزاااف .. عموما مدرسة الفنون الجميلة الالتحاق بها اما بمستوى بكالوريا الثالثة ثانوي و الدراسة يوميا الزامية في الغالب و نتحصل في النهاية على شهادة أو الالتحاق بها كهاوي - هواة - حيث الدراسة في ايام محددة كالثلاثاء مساء او السبت ( حسب المدرسة و الولاية ) ، يمكنكم الالتحاق يدور الثقافة او دور الشباب لنيل فرص المشاركة في المعارض و المناسبات

@bouchraa.ms

مدرسة الفنون الجميلة مثلها مثل الجامعة تقراي 3 سنوات وتتخرجي بديبلوم ... القراية فيها كيما جامعة

@_ni.oha