مجهول
إذا تسألي ، أنا أقصيت من امتحان البكالوريا وخصني ترشدوني في كاش عفسة نديرها بلا ..
إذا تسألي ، أنا أقصيت من امتحان البكالوريا وخصني ترشدوني في كاش عفسة نديرها بلا باك كيفاش نقرا بلا باك ؟!
مباشرة روح سجل في معهد الوطني للسياحة بومرداس يقبلوك بشهادة السنة الثالثة ثانوي .. انا عندي ماستر وراح نقرا تم باْذن الله وادا مش فاهم اتصل بي على الخاص نفهمك اكتر
عندك بزاف فرص تقدر ديرها و بزاف مهارات تقدر تتعلمها ... سجل ف دورات اونلاين ولا ف مراكز التكوين . اتعلم حرفة و اخدم بيها ف الواقع و اتقن مهارة و اخدم بيها ف المواقع 😌 تضمن مستقبلك و دخلك ... نصيحة اخرى ركز على المجال الالكتروني لأنو مطلوب و بكثرة هاد الوقت مثلا التسويق الالكتروني او العمل الحر عبر الانترنت و التسويق بالعمولة ولا التداول ... ربي يوفقك 🙏🏻
تقدري تروحي تقراي تصميم ازياء في دزاير تحتاج غير شهادة مدرسية 3 تانوي و سييي ديري دورات ف مجالات تعجبك او تخصصات و تخدمي اونلين
ادخل دبر تكوين في معاهد التكوين اتعلم حرفة تفيدك بزاف و تعيش بيها و ما تنساش تزيد تتعلم لونڨلي هكا كي تبغي تهاجر ولا تكون واجد
أولا الباك ماشي كل شي حنا ربحنا الباك شا درنا بيه؟ قادر تكمل قرايتك وما تلقاش خدمة وقادر واحد ما واصلش مام با الباك ويخدم غايا وعنده مشاريع باسكو عنده ذكاء في التسيير. سينون تقدر دير لي فورماسيون وتقرا في التكوين تقدر تتعلم البرمجة برمجة الحواسيب بلغة برمجة معينة مثلا الجافا وتحترف المجال من بعد تقدم للعمل في شركة أجنبية وفي البرمجة ما يطلبوش الديبلوم يطلبوا الخبرة والاحترافية ولغة البرمجة وفي ميزك أكثر المليادارات في العالم هم المبرمجون باسكو البرمجة عالم قائم بحد ذاته وهو اللي راح يسير العالم منا على سنوات قليلة، تقدر تاني دير ديبلوم في صناعة الصابون وتبدا بشويا تبيع في الانترنت من بعد تولي تحل مصنع كاين بزااااف صوالح غير كون ذكي وربي يوفقك
ياخو تأخذ بنصيحتي عاود الباك لعام لجاي ان شاء الله بسك كي يكون عندك شهادة بكالوريا راح تفتحلك بزاف اوبواب معليش متدخلش للجامعة بصح على الأقل يكون عندك الباك ، إضافة إلى ذلك اتعلم لغة من اللغات و تتعلم حرفة و تتعلم مهارة من المهارات الرقمية وراح تنجح باذن الله
لالا حبيبي اذا تقدر تعاود العام الجاي غير عاود واقرا من قلبك .. وتقدر تاني تتعلم صوالح من اليوتيوب كيما الفوتوشوب البرمجة الامن السيبيراني بزااااف صوالح ملاح ومطلوبين بزاف .. يسما راك تعاود ف الباك و ف نفس الوقت تتعلم ف مهارة جديدة من باعد تقدر تخدم اون لاين وتخلص ب العملة الصعبة
كاين تقولشي إيكول وسمها ليثام جاية فبوليو ألجي تخرج تخدم تكنيسيان ديراكت
Dir formation marketing b drahem , ki ykamlou les collègues taw3ek l M2, nta tkoun trafaht Insha-ALLAH 😎 l7adja li ndemt 3liha fi 7yati ki 9rit.takhdem tandell w ya7akmek wa7ed ma9rach même pas w ta93od fi dar kif-kif (un conseil de vie).
كاين مدرسه خاصه ولا معهد رواد الصحه ولا تكوين مهني انت تقرري المجال يلي تحبيه اذ كان بشهاده لازم تعاودي الباك ولا بدون شهاده ادخلي تكوين وشوفي فيه سبيسالتي يلي يناسبك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google