انا جدي مرض بكورونا و في السبيطار دارولو كلوروكين حتى ساءت حالتو الدواء هادا لي ..

انا جدي مرض بكورونا و في السبيطار دارولو كلوروكين حتى ساءت حالتو الدواء هادا لي حبسو مايستعملوهش فالعالم و وقفاتو منظمة الصحة و ضرك ملقيتش وش ندير اذا نخليهولهم ول نخرجو مكانش طبيب عارف ينصحني

ربي يعجلله بالشفاء ان شاء الله بصح عندي ملاحظة مهمة راهو الكلوروكين يفيد لأغلب المصابين بالكورونا بصح مش كل قصدي ان الحالات الصعبة جدا و خاصة من اصيبو بأمراض تنفسية فيجب ان يعتنو بهم برعاية طبية خاصة و يجرو عليهم منذ اول ظهور لأعراض مرض الكورونا عليهم و ليس في اخر لحظة يقررو ياخذوهم للمستشفى .... شفى الله كل المصابين و عجل برفع هذا الوباء عن بلدنا الجزائر و عن سائر بلاد المسلمين 🇩🇿

Bn 9olt mnhdrsh bs7 lah ghalb 😒.....jadk mshi mn dwa hdk sa2at 7altouuu hdk dwa raho ybarii ness bs7 jdk kbiir w blk 3ndou des maladies chroniques byna tsou2 7altou de 1 et de 2 ntoma fhmin bli covid19 ness ga3 rahi tbra mnou !! Mnish n7btlk morale bsu nisbat chifa2 mnou tsawiii nisbat elwhd yroh fiha allah ghalb hdi mshi grippe brk donc dwa hdk m3ndou 3lsh lokn mymdouhoulsh lokn ra7 fiha -_- donc le medcin mshi 9ari 7 ans et plus ... w les hôpitaux ga3 3ndhom meme protocole bsh nta tkhmam bli hdk dwa rah yzid 7altou !! Yaw le covid hwa li yzid w rani 9tlk ness li kbar yndro bzffff w 9lil li yslk rakom msthinin biih brk bs7 covid c dangereux bzf at9blouha w les medcins 3lblhom wsh rahom ydirou mtn9awsh tftiw alihom.

Ana mes parents kano mrad bih fizoj w d'hôpital darolhom had dwa wbraw lhmd bsh lazm 9bl mydiroh un ECG (تخطيط القلب ) w lzm lovenox chaq joure psq c trés important nta 3lik tasuré que darolhom hado

الناس لي تقولو متعرفش خيرمن طبيب صح عندكم حق لكن الكلوروكين الابحاث العلمية الاخيرة كامل اثبتت عدم نجاعتو و الدليل اغلب دول العالم حبست استخدامو و لا استخدامو محدود غير على بعض الدول كيما الجزاير و المروك و الهند . كاين مقال على الكلوروكين ادخل الستوري تلقاه و ربي يشفي جدك

انا الجدة تاعي دارولها الكلوروكين بعد 3 ايام توفات القلب تاعها ما قدرش يقاوم تفلق ربي يرحمها 😢

خرجوه من سبيطار خير وجيبو طبيب يتلهى فيه خير قداه عبد قتلو لكلوروكين هذا

rabi yjib chfa nchalah, mais chloroquine rah dwa 3adi yfid bezaf. ana mrodht b covid w les jours lawlin dert dwa oukher walet situation ta3i grave apres ki chrabt chloroquine hmdlh 4jrs bdit nethasen mais lazem m3ah lovenox. w doka mezalt nochrb fih wel hmdlh

Raby ychafih mais je t'assure que mat3rfch khir m les médecin 👌 hadi haja lawla le médicament hadek braw bih bzf 3ibed et Ida ton grand père hardo Ma3ntha ton grand père à plusieurs maladie chronique...... 3labiha les personnes atteintes des maladies chronique lazzm yrado balhom bien sûr comme les autres 👌raby yjiblo chfa

ربي يجيب شفا انشالله

😢😢😢😢😢😢😢

Salem . Rebi yshfih vs venez privé . Je connais des medcins nb3tlk lihm houma yfahmouk

خرجوه من سبيطار ربي يكتبلوا عمر جديد ان شاء الله اذا خليتوه راح يقتلوا لكلوروكين انا ختي 28 سنة و كي شربتوا قريب ماتت و ضركا راها من طبيب لخوه دارلها لماء بين الغشاء و لقلب

من الافضل لكان مامديتولوش اصلا لانو عندو مضاعفات يعني ادا يرا مالكورونا يحكمو مرض اخر هلك يزاف ناس انا شخصيا من العاىلة مرضو كورونا وكبار في السن تعالجو بلا بيه خليناهم ف المنزل وبحكم عندنا افراد من العاىلة في السلك الطبي هوما تطوعو وقدمولهم علاج وساعدهم لالتنفس الاصطناعي والحجر لمدة شهر ونص والان تعافاوو كلهم ❤ريي يشفيه والله اعلم

الشعب كي شكوبي لي يعرف يجاوب لي ما يعرفش يغلق فمو ما تمدش رايك

نقلك حاجة خرجوه مالسبيطار خيؤ و قوموا بيه انتم لكان عندو اختناق و تقدروا تشريولوا قرع تع اكسجين اشريولوا و ديروهالو غذوه ملح و ربي يشفيه

ربي يشفيه ان شاءالله🌸