حبيت نسقسي على مشروع الأكياس البلاستكية و الورقية من ناحية قيمة رأس المال . و أي..

حبيت نسقسي على مشروع الأكياس البلاستكية و الورقية من ناحية قيمة رأس المال . و أي معلومات عن المشروع و ماشابه

تقدر تبدا وحدك تسيي دير باجا وادير فيها les examples تع الخدمة تاعك. Sérigraphie احسن طريقة تبدا بيها. ماتحتاجش راس مال كبير في لول. حتى بداو يجوك لي كليون استثمر دراهمك. كاين محاضر داروها فريق اسال الجزائر هايلة شوفها كيفاش تبدا مشروعك . كاين وشحال من طريقة منها https://www.youtube.com/watch?v=owhkeO9w-FA

وكاين هذا مروكي https://www.youtube.com/watch?v=_wsl2mnB_9E

دك ماننصحكش تخدم تع بلاستيك مع الدولة تحارب فيهم خليك على كاغط خير. وثان الكاغط استخدام تاعو خير من بلاستيك تخدم بيه في الهدايا الخضرة ماكلة وغيرها

الورق لي تخدم بيهم المشهور كرافت وتشري بالرولا وعلى اليد لي تلسق في الكيس الورقي تقدر تدير الخيط لي يعجبك حتى خيط سيلوفان على حساب التصميم لي راك باغيه وطبعا لاباز تع الكيس الورقي تقدر تخليه بلا لاباز يصلح للكورواصون وماشابه

واذا حبيت تدير كيس هدايا دير لاباز تع كرطون وحتى تقدر تدير خشب رقيق اذا بغيت على التصميم. تقدر تبدا وحدك في الدار وممباعد تطور تدير الكاشينة ليتصمملك الكيس. تعطيلها الرولو وهي تخرجلك. وانا ننصحك ماتشريهاش من لول غير ماتلقى شوية روحك في السوق قبل.

ونقطة وحدخرة مهمة لازم تديرها في الاعتبار اذا راك حاب تشري المشينة راهي تدور في حدود 650 مليون وتقدر تطبع بزوج الوان اذا مارانيش غالط وكاين هاذو تقدر تشوف معاهم https://www.facebook.com/imortexportse/ وزيد طابعة ولا 60 مليون ولكرا والامور الادراية ماشي لازم نذكروهم. لهذا السبب قتلك سيي في الدار قبل اخدم وحدك ب Sérigraphie

نقطة اخيرة لازم تحط بالك ليها. هذا المشروع تع الاوراق مكلف على البلاستيك وكيس البلاستيك السوق راهو معمر للخر ماكاش نقص يسمى. لخاطر مكلف على البلاستيك يطلع الكيس اغلى واذا نيتك تبيع على لمحلات دير في هاذي النقطة بلي عندهم لبلاستيك ارخص من كيس الورق