مجهول
نسقسيكم سؤال أنا مصممة ازياء و عندي collection مرسومة و بعيت نكبر المشروع هدا كي..
نسقسيكم سؤال أنا مصممة ازياء و عندي collection مرسومة و بعيت نكبر المشروع هدا كيفاش نبدا و esq كاين لي يستثمر في مجال هذا؟
اول شيء مرحلة انتاج يعني شوفي خيطات تكون خدمتهم مليحلة يخرجولك collection كما ركي حابة من بعد جي مرحلة الاشهار باه ناس تعرفك وتشري عليك حلي باج فيسبوك وانستقرام حطي فيها colaction تاعك والبسي من colaction تاعك باه كي شفوك حبابك وصحابك ولفامي تاعك من جهة يشروا عليك ومن جهة يديرولك piblicité حتان يكبر مشروعك ودري مارك خاصة بيك وربي يوفقك حبيبتي 😊
أولا ديري بطاقة الحرفي وبها توثقي إسم الماركة رسميا وقانونيا بس الي يسرقوك الموديل يعاقب ومن بعد تقدري تطلبي دعم من الغرفة هم حاليا راهم متوقفين بصح ان شاء الله يفتحو ملف الدعم هدي اول حاجة المهمة الي تساعدك في الإشار والتسويق بالتوفيق
يا اما تتعلمي الخياطة و تفتحي اتولي صغير تخيطيهم فيها و تعرضيهم للبيع ، يا اما ديريهم بالرسم تقني المسطح و تخدميلهم الباترون و تديهم لخياط ، يخيطهملك ، و تعرضيهم في حانوت يبيع ولا تحت اسمك و لا كيما الخياطات العادية ، بسك البيزنس فالفاشن ديزاين ، لازم تفتحي الماركة الخاصة بيك و تخيرليها لوڨو و تحمي اسمك و تصميمك لكان حابة ، ابخي باه تقدري ديري فاشن شو ، هادي لكان حابة تخدمي حاجة مليحة ، خير من بعد يدولك تصاميم و يروح تعبك فلباطل
اول حاجة سجلي الماركة تاعك https://m.youtube.com/watch?v=Bg2EMFKpQIc&feature=youtu.be
انا مصممة أزياء بديت مشروعي في التصميم والأزياء ودرت بطاقة حرفي ودرت ماركتي وراني نخدم يعني حاجة ساهلة باش تبدا
Wla t3rfi lkhyata choufi ch7al ts79i 9mach w wch man 9machat et tt, wla ma t3rfich choufi kach wahda confiance twerilak mais attention balaki tweriha l n’importe qui ysr9olk les idées. Après diri devi dyalk ch7a ts79i 9mach w choufi chkoun ykhytak zidi e7ssbi 7a9hom.. mohim en tt diri kml 7sabatk w 7atihom f une demande, t7abi nb3tlk kifch diriha par e-mail w ediha 3and des sociétés f domaine li capable ykounou intéressé bch ysponsorisiwk, voila w nchalah tsda9lak
بون شوفي عندك زوج طرق تنجمي تكبري بيهم المشروع... طريقة لولا انك تتواصلي مع ليزاتولييي وتحاولي تتفاهمي معاهك انك نتي تخرجيلهم ليمودال واكيد ب پاترون تاعهم وهوما يشروهم عليك ومع الوقت ايلا مشاولهم تولي مطلوبة من عند بزاف ليزاتوليي. / والطريقة الثانية هي انك نتي بنفسك طبقي هاذوك الروسومات وهي بفتح ورشة صغيرة يا ربي فيها ماشينة تاع خياطة ووحدة تاع فينيصيون وتبداي بشوية تخدمي فيهم وتعرضي وفان بشوية بشوية يولو ناس يعرفوك وخدمتك تبان و ب التوفيق ان شاء الله
Ro7i l'inapi 9bel bch diri asm o logo l ta collection o w7d ma ye9der hesre9halk après t7ebi tchofi nes tbi3ihalhom wla nti tkheytiha
مرحبًا بكل مصممين أزياء عندي I have small clothing brand and we kind of looking for new young designers to work with
Ana khayata w mossamima bsah mnesmch nfker model mn rasii w Rani nwjd f collection w grib nkherjha nchlh
لازملك اولا تبداى بالقليل و تنتجي تصاميمك بنفسك ثم تروحي لمرحلة الاشهار التي اصبحنا نرى انه للاسف الفرص تتاح أكثر للمشاهير أصبح كل يوتيوبر مصممي ازياء فجأة و الله شيء ماسف
كاين بزاف لي راهم يديروا اشهار والموجود ماكاش.. وجدي تصاميمك ع الأقل كل موديل منو قطعة.. خيطي و البسي منهم وشوفي صحاباتك حباباتك.. يشرو من عندك.. و يشهروا لمنتوجك.. منبعد ديري اشهار للكوليكسيون
اول حاجة تتعلمي تخيطي وحدك باش تقنعي بخدمتك باش اي حاجة متعجبكش تقدري تبدليها وتكون خدمة تاعك بيدك تجيك كاملة متكاملة
ممكن تتفاهمي مع خياطة و كي تخيطلك الكوليكسيو ظيري بيعا اشهار و كذا
Chofi les entreprises d'industrie de la mode. Wala contactez les stylistes algérien i3awnoyk kima rayan atlasse ou zinou touafek
دخلو عند @leena_lifestyle راهي شارحة ب les détails باش تسجلي une marque إنسانة هايلة متضيغوش
@boss_ass_with_a_good__ass hi, i if you are still interested I'm here I'm a new fashion designer
انا رسامة و متطورة في رسم الازياء و الحمدالله كلهم فكرتي راني نخمم في المشروع لكن الوقت الحالي ميسمحليش نعمل مشروعي وحدي لكن اذا لقيت خياطة نتفاهم معاها في المشروع هذا يعني يعيشكم اذا اذا تعرفوا وحدة تتعامل مع مصممات ازياء دلوني عليها و شكرا ❤️
انا كذلك نفس الشي ندير لي ديزاين مي لخياطة مازالني نتعلم وحابة صح نجسد تصاميمي😍
Mouna39mimi
10
I am a costume designer and educator to sew and draw a childhood talent
Mouna39mimi
10
I am a costume designer and educator to sew and draw a childhood talent✂👗
Moi je posé la même qst pour vous charkouni raykoum w li khiyata menrhba ❤️
أنا ثاني مصممة أزياء.. ننصحك بالاك تنشري شي من تصاميمك الا اذا كانت عندك بطاقة حرفي واسم الماركة تاعك عليها لأنهم هكذا مايقدروش يسرقولك الفكرة.. الحاجة الثانية لازم تلقاي خياطة شاطرة لي تمضي معاها عقد لمدة محددة.. لانو الخياطات هنا عندنا في الجزائر يهربوا مايكملوش معاك ..وغير يشوفوا خدمتك بدات تمشي تولي تحسبلك اكثر ماتحسبي انتي لعمرك.. هو مشروع ناجح جدا.. لكن ابداي غير بالشوي و بالتوفيق ليك.
ماراكش مسجل معانا. تقدر تفيدو؟
تقدر تدخل بسهولة منا
Sign in with Google