مجهول
سقسيلي باه تحل بيزيريا صغيرة شحال يسقاملك بالماتريال والكراء تاع القاراج ؟
سقسيلي باه تحل بيزيريا صغيرة شحال يسقاملك بالماتريال والكراء تاع القاراج ؟
تروح دير دورة بيتزاريو ، فالغرفة الحرفية ، و اجيد بطاقة حرفي، تخدم بيهل، و اذا عندك روجيستر كيفكيف، الكرا حسب البلاصة و حسب المساحة تع المحل، دير حساب فور البيتزا يكون شباب بش متخسرش دراهمك باطل، كاين لي يخدمو بتع لغاز لي يسواو خمسطاش ميا ، مي منعرف الا يصلحولك بسك يشدو لبلاصة الا إذا بالاك تحطهم فوق بعض الا تصلح، شوية طوابل و كراسا ، براد و طابلة بالبرتد تخدم عليها ، و شوفو ، و لمواعن مش بزاف ، دك كلش نسبي حسب الجودة طلع حسابك
الكراء على حساب لبلاصة لي راح تكري فيها و اذا يطلبو ليزافونس ... الماتريال لكان جديد راح يجيك في واحد 30. 40 مليون لكان ماشي قادر تنافيقي حتى ب 20
متريال بيتزيريا جديد 🛡️.فور 2 ايطاج 8 حبات 150000 .🛡️بيترا لي تخلط تاع 25 كغ 110000 🛡️.فاسوناز لي تفتح بتزا 100000 اختياري تقدر ديماري تفتح بالحلالة تاع اليد .🛡️فريڨو آطابل تخبي فيها لعجين والفراميج ..... وتخدم فوقو على الاكثر تستقام 120000 🛡️فريڨو تاع ڨازوز 2 بيبان حاجة مليحة 120000 وكي تحب تزيد تخدم لي فريت لي سوندويتش لي بلااا عند ك 🛡️فريتوز 20000 🛡️بلاك شوفونت 250000 🛡️ابراس بانينوس 250000 🛡️بلا ما تنسا البريكول تاع قاراج انسطالاسيو الماء تريسيتي غاز لازم يكون عندك سانيتار (عفسة صغية برك فيها باڨ و WC ) 🛡️لافي سااال وين تغسل تخسر عليها باڨ مع بوطاجي صغير 🛡️لعفايس صغار دوزان تاع كوزينا لموس مغارف فراشط لي بلااااا تاع بيتزا ..... عفايس كل واحد واش يحب 🛡️ديكور من الاحسن تخدم سامبل مثلا حطب تخدم بالباليط رخيس فالسومة ميستقامش .... وديكوري كما تحب 🛡️القعدة ولي طابل خير عفسة متكونش ضيقة ومحشورة بزاف لبعضها ومتكونش كبيرة بزاااف نص نص 🛡️الانارة من الاحسن انارة كلاسيكية يكون ضو خفيف 🛡️الواجهة تكون جذابة 🛡️فيما يخص الكراء كل بلاصة وكيفاه نصيحة الباي مع الكراي ديرو حتى تكون ريڨلت وخدمت كل شي وراح تفتح بلا ييبلوم تروح تخدم سجل تجاري فاست فود على خاطر كون دير في السجل بيتزيريا وحدها متقدرش تخدم لعفايس لخرين لي سوندويتش لي بلااا 🛡️وربي يكون فالعون ان شاء الله 🛡️على 140 مليووون تفتح ان شاء الله عفسة صغير وباهية و متريال جديد .
ماراكش مسجل معانا. تقدر تفيدو؟
تقدر تدخل بسهولة منا
Sign in with Google