انا امراءه حاصله على شهاده بكالوريا و سنه جامعه فقط لكن اريد اما ارجع لدراسه او ..

انا امراءه حاصله على شهاده بكالوريا و سنه جامعه فقط لكن اريد اما ارجع لدراسه او فتح مشروع مثل فتح حضانه او كوافير او صنع الحلويات لكن العزيمه ليست متاحه خاصه انه في فكري انه لا يوجد عندي شهاده جامعيه لدي افكار كثيره لكن لم أستطع تطبيقها على أرض الواقع فاريد منكم نصيحه او من المشاركين فالصفحه نصيحه اتبعها و اتخلص من العالم الفراغ ؟

ختي لعزيزة راني حاسة بيك. وصدقيني ماتعرفيش قيمتك غير ماتسيي. لازم تكوراجي وتخلاطي غاشي لي يشجعوك ويعطوك دافع وعمرك عمرك ماتقارني روحك بواش تشوفي في صفحات التواصل نصها كذب زعمة ناس واصلة وووو المهم حنا هنا ان شاء الله نعاونوك بواش نقدرو. ختيتي لي ذكرتيهم كامل يحتاجو انك ترجعي للقراية سوا سطاج ولا جامعة بشهادة. بعتمد على الشهادة لي راكي رايحة تديها واش هي. ممكن ماتكونش مفيدة وتضيعي وقتك لي ممكن كنتي تديري فيه مشروع وممكن كان ينجحلك. الشهادة ماشي مقياس لعزيزة. اذا حبيتي نصيحتي ارجعي للجامعة كملي قرايتك وبالموازات ارفدي حرفة وسيي شوفي ممكن تاليف قصص اطفال ممكن صنع حلويات , مكسرات, ولا قاطو قليل السكر وغيرها وفي نفس الوقت راكي تكملي في قرايتك وتحسني نفسيتك

اختي انا عندي ماستر هندسة معمارية خدمت بيه شوي وحبست لانام نصيحة الشهادة في بلادنا معندهاش معنى ديري مشروع تريحي فيه عندي صديقاتي قراو كيفي وحد ة حلت صالون حلاقة عالية الجودة ووحدة حلت حانوت للهدايا والله يبارك ام في قمة النجاح و انا ايضا نخمم نديري مشروعي الخاص بعيدا عن دراستي

زماننا زمان المهارات و ليس الشهادات فقط، اولا لازم تخيري حاجة تحبيها و تشوفي بلي نتي مبدعة فيها و شوفي اذا لازملها قراية في الجامعة او فورماسيون برك. و في كلتا الحالتين حاولي تشغلي وقتك بتعلم التسويق و كيفية بناء براند شخصي باش الناس تسمع بخدماتك و تحوس عليك و كيفية التعامل مع المال و الوقت...الخ و كذلك خلي تكون عندك هواية قراءة الكتب فهي تفتح آفاق التفكير عندك و بالتالي تنجحي كثر باذن الله و اكيد خلي لك وقت للراحة و التجمع مع ناس تحبيهم و يحبولك الخير و يشجعوك و بعدي على الاشخاص السلبيين. ربي يوفقك ان شاء الله حنونة ❤️❤️❤️

قراي كتب هادي انشاء الله يبان الغموض 1 الاب الغني الاب الفقير 2 اسرار عقلية المليونير 3 اغنى رجل في بابل 4 اعمل ل 4 ساعات فقط 5 فكر وازداد ثراء و توجد كتب اخرى نسيتها لاكن اظن هادي كافية لتعرفي الطريق الصحيح

Abday M3lich ma tnedj7ich seyi o ma tfechlich , seyi 7adja ma ndj7tch seyi w7dkhra 7ta tel9ay ro7k nadj7a rabi y9drk o ynedj7ak bon courage et soit forte ❤️

حددي ويناها فيهم لي تحبيها وبارعة فيها وتقدري تقدمي فيها إذا كانت تحتاج إلى شهادة وتعلم سجلي وتعلمي مثلا الحلاقة وصنع الحلويات شوفي تكوين مهني واسألي الناس لي جربت هذاك المجال المهم تتعلمي وتكسبي معرفة مع الصبر تقدري تقدمي خطوة للأمام ومن بعد جربي اخدمي عند ناس باه تهزي خبرة ومن بعد فكري كيفاه تخدمي حرة رأس المال و المقر واللوازم بعد خميلها ...المهم تبدي تتعلمي وخطوة خطوة تلقي روحك تعلمتي وكسبتي خبرة وماضيعتيش وقت وفتحتي مشروعك الخاص #takeactionnow ...وبالتوفيق 😍

أختي الشهادة الجامعية ما دير والوا في بلادنا أنا عندي ماستر علوم قانونية و إدارية هاني عام قاعدة بلا خدمة ..... من الأحسن تبداي مشروع إذا عندك الإمكانيات كيما صناعة الحلويات ما تحتاجش شهادة نعرف ناس بزاف يديروا الحلويات و عندهم قنوات فاليوتوب ناجحة و هم بدون شهادة ...ابداي فيها و إذا حبيتي ديري تكوين في نفس الوقت ... ربي يوفقك

الجامعات لاتغلق و العلم ليس له عمر انا نقولك اتقني مهارة نتي تبغيها و ديري مشروع لأنك رح تنجحي فالشي اللي تحبيه و بالنسبة للجامعه ارجعيلها بعد نجاحك الأول ولكن جهزي روحك ليها مثلا دايما اقري فالمواضيع تاع التخصص تاعك اتعلمي فالمنصات تاع التعليم اونلاين بش كي تجيك الفرصة للعودة الى الجامعه تكوني جاهزة

Boncourage mochkil hadha li raki fih la plus part tay7in fih rabi y9adarna kmlin nchlh bach n7assnou wadh3na

Diplôme takdri tgoli wela bla ma3na diri projet tdakhli bih swared khir w ki ykon pizza w hwayaj khfifa khir wkhir w Rabi m3ak

بالنسبة للحلويات والكوافير هذي تحتاج ديبلوم تع تكوين تع دولة (مش بريفي) باه تقدر تحل بيه او تخدمي في دارك ،اما الحضانه لازم شهادة مربية اطفال والخبرة خمس سنوات او استاذة تعليم ذات خبرة وشروط اخرين لكن لولين افضل

ارواحي نشركو كيف كيف عندي فكرة شابة

فتح حضانة راهي رجعت ياناس خاصة بدبلوم الطب العيادي النفسي و علم نفس ،وزارة تضامن متعطيكش اعتماد دون دبلوم

Rbi m3ak 5titi

❤️

يا ختي والله رانا قرينا وعندنا شهادات ورانا في نفس النقطة اي راكي فيها ادا صح عندك افكار ادرسيهم مليح اذا يحتاجو تكوين ديريه و ابداي نفذي و ربي يوفقك

Ma belle j ai plus ke 6 diplomes w makhdemtch bihom si 3andk ras l mal bch tdiri projet ghir ozodmi w matkhafich bn crg 7adi l ahdaf w l machrou3 li haba dirih kabel ❤️

ابدئي فقط...لا تفكري كثيرا...مع الوقت سيتضح الطريق امامك...ابدئي فقط ابدئي باي شئ ...

شوفي دورات تاع رتب حياتك دوك تعرفي واش جابة ديري راه رابط في بروفيلي ادخلي وخيري مخيم تكوين لصناعة الرواد راه مجانا تلقاي فيه 10 دورات تاع مقاولتية و ايجاد الهدف تفهمي تم واش حابة وبالتوفيق