![](/static//assets/img/anon.png)
مجهول
خويا حبيت نبدا مشروع نخيط طراشن و طابليات و جيت نسقسي واش يلزمني و كيفاش نبدا ؟
خويا حبيت نبدا مشروع نخيط طراشن و طابليات و جيت نسقسي واش يلزمني و كيفاش نبدا ؟
![](https://instagram.fbah6-1.fna.fbcdn.net/v/t51.2885-19/s150x150/67643533_2606128019417660_1206713487498149888_n.jpg?_nc_ht=instagram.fbah6-1.fna.fbcdn.net&_nc_ohc=H6U1bkw7AAwAX_GxtsS&oh=c780f33173c811af66edca7a8492ebad&oe=5FAA1083)
سهلا اشري القماش و خيطي ف الاول بيعي لفامي ديالك بسومة رخيسة و ديري باج فاالفيسبوك ونشاء الله النجاح
![](https://instagram.fbah6-1.fna.fbcdn.net/v/t51.2885-19/s150x150/120203374_119839669866234_4171307467472509351_n.jpg?_nc_ht=instagram.fbah6-1.fna.fbcdn.net&_nc_ohc=T9PNJwvVdjMAX9U5bQ_&oh=452a46c958c644cd779b1e808586bb0d&oe=5FA8BC80)
السلام عليكم اخوتي حبيت نشارك معاكم بعض الخطوات والنصائح من خبرتي المتواضعة في مجال عملي (خياطة وتصميم الأزياء) وممكن تطبق على اي فكرة مشروع اخرى لاي شخص يحب يبدا مشروع خاص بيه و أجابة على أكثر سؤال يتطرحلي او ممكن انت شخصيا تطرحوه على انفسكم 🤔 كيفاش نبدا مشروعي ؟كيفاش نستغل هوايتي ونخدم بيها؟ ___________________________ اذا عندك اي موهبة او حرفة في يدك بامكانك تستثمري فيها وترجعيها مشروع مربح مهما كان حجم المشروع فأكيد راح يكون عندو مداخيل اذا عرفتو تحسنو الإدارة تاعو. من ناحية مواد أولية والتسويق لمنتجاتك او خدماتك . قبل مانبدا نهدر على خطوات نقولك إبدأي تخدمي في مجال انتي تحبيه لان تباناكم خطوات ساهلة لكن تطبيقها على أرض الواقع راح تصادفها شوي عراقيل مارانيش تخوف فيكم مع بدية 😅 لكن هذه حقيقة كي تكوني تحبي مجالك قد ماتصادفك مشاكل ماراحش تجيك فكرة تتخلاي على مشروعك راح تبقاي دائما تتحداي كل مايقف في طريقك يعني الحب والشغف والصبر هوما اول حاجة لازم تتوفر😊 ✔ اول حاجة لازمنا دراسة جدوى اقتصادية للمشروع مش معناها مشروع صغير نبداو بشكل عشوائي . كيفاش تم هذا الدراسة؟ تم عن طريق طرح بعض الاسئلة على نفسك وكذلك بعض الابحاث الي لازم تقومي بيها(عمي جوجل ديما معاك). واش هو شكل الي راح نقدم فيه منتجي؟ واش راح يستفيد ناس منو؟ نقدر نفذ فكرتي؟ مستعدة للاستمرار؟واش ندخل أرباح؟ واش نسمي علامتي؟؟ ...... ✔ نجهزو مكان عمل هنا نقولك ماولاتش حاجة صعيبة خاطش نقدرو نخدمو من الدار يعني شوفي مساحة في داركم جهزيها باش تبداي منها. ✔ شراء مواد اولية بالنسبة للمواد اولية لازمك تشوفي مورد تتعاملي معاه يقدملك مواد اولية ب جودة مليحة و يديرلك سعر مليح ماه هكدا يكون ربحك اكثر يعني فايدتك وفي نفس وقت يكون سعر منتجاتك الكلي في متناول جميع هكدا ماه تمشيلك خدمة شوية ✔ واخيرا عرض المنتج والتسويق ليه صوري منتجاتك بطريقة مليحة ومبتكرة وتبين تفاصيلها. استغلي مواقع التوصيل الاجتماعي بمعني كل المنصات انستغرام. فايسبوك .... هكدا توسعي دائرة زبائنك شاركي صور منتجاتك في حساب الخاص بالعمل وبارطاجي في قروبات البيع والشراء في ولايتك و كوني صداقات مع ناس عندهم نفس مجالك . ❤❤❤ نصيحة الي نقولك انو اي عمل قبل مايحتاج ماتريال وسلعة يحتاج الصبر والاستمرار ماشي تحطي منتجك اليوم راح يجوك عليه طلبات واذا حطيتي حتى 10 ومالقيتيش طلبات استمري اصنعي مودالات وجددي وماتفقديش امل وماتيأسيش. مسافة الألف ميل تبدأ بخطوة 💪🏻 وبالتوفيق ليك اختي ❤ ان شاء الله نكون فدتك ولو بقليل ان
![](https://instagram.fbah1-1.fna.fbcdn.net/v/t51.2885-19/s150x150/122141435_355769782529699_5317435831051847435_n.jpg?_nc_ht=instagram.fbah1-1.fna.fbcdn.net&_nc_ohc=XpcdRmtpj2cAX-Xz12V&oh=763f8877913fc41407125307f325a3e9&oe=5FB75BB0)
![](https://instagram.fbah1-1.fna.fbcdn.net/v/t51.2885-19/s150x150/84282505_662643201208644_5651219536016310272_n.jpg?_nc_ht=instagram.fbah1-1.fna.fbcdn.net&_nc_ohc=dXMVlr0QjmgAX_oroCg&oh=85d6468e93caedc3adac8a4306723662&oe=5FB65D23)
الات خياطة و طريقة للترويج و من الافظل تكون حاجة جديدة و مبدعة ناس تحب دايما جديد قومي بالابحاث ف يوتوب كاش افكار
![](https://instagram.fbah1-1.fna.fbcdn.net/v/t51.2885-19/s150x150/110200571_1171451179897736_6858042020177513074_n.jpg?_nc_ht=instagram.fbah1-1.fna.fbcdn.net&_nc_ohc=Cceuf7xnLlcAX9UqROy&oh=ef51c63154877fc24149235375eb9192&oe=5FB65F8F)
اشري كتان قيس ما تخيطي وحدة ولا زوج طابليات و يا إما تعرضي خدمتك على حباباتك ولا جيرانك إذا عجبتهم راح يدومونديو منك تخيطيلهم، لتماك كي تولي تخيطي بزاف حلي صفحة فالفيسبوك ولا حطي واش خيطتي في قروب فايسبوك يكون من المنطقة تاعك باش لي تبغي تشري تكون قريبة ليك، و الله يسهل و يسر
![](https://instagram.fbah6-1.fna.fbcdn.net/v/t51.2885-19/s150x150/106152876_1589411561217963_7888806934458275359_n.jpg?_nc_ht=instagram.fbah6-1.fna.fbcdn.net&_nc_ohc=S3CYLi_Fbu8AX_7EMUA&oh=7e4abda85882ed6b32aeac8a597651d8&oe=5FAADCA3)
Lazem la machine à coudre w le9mache bassah beh temchilek el lkhedma lazem tjibi ejdide w ta3erfi kifmeh ediri la pub le rohek ebday fel fb seh pck tkoune el lkhedma machiya fih akter w le3mal 3a rabi
ماراكش مسجل معانا. تقدر تفيدو؟
تقدر تدخل بسهولة منا
Sign in with Google