مجهول
عندي 30000دج واش نقدر ندير بيها مشروع تاع طابلة؟ واش يمشي؟
عندي 30000دج واش نقدر ندير بيها مشروع تاع طابلة؟ واش يمشي؟
عن تجربة في المارشيات وين النساء دايرين بززاف عند الطابلة تع الماعن الي رخاس يعني كل خطرة واش تجيب. خطرة كيسان. بلا تع فور كيسان تع الفلان. الخ. نصيحة روح لاي سوق قريب ليك شوف الطبلات واش يبيعو و سقسيهم و شوف شكون الي عندو غاشي بزااف و الي سلعتو تمشي. ماشي نهار برك .. مدة اربع ايام و ادي كارني صغير. فلان واش كان عندو و هل السلعة خلاصتو او لا. فلان ٢ واش كان عندو و هل باع السلع او جاب حاجة جديدة. لازم تفهم السوق و تسقسي تعرف لانه كل منطقة واش يمشي فيها. بالتوفيق
خويا سلام ❤️ عندي سلعة 300. ولا تفوت تاع ليشميز تاع ليجان يهبلوا شابين نبيعهم جملة ايدا تشري ❤️ او تان خويا نعونك بسكوا انا خياطة نقدر نخدملك و تبيع كلش ❤️ واش رايك بعاتلي بريفي
30000 دير مشروع عمل على الانترنت تربخ بزاف دراهم راه كاين بزاااااف مجالات
Wa1leh ma dirch les churros à emporter comme en Europe c'est nouveau ça coûte pas cher et c'est bon
دير حلوة الصوف و شوي حلويات تقليدية و لا حتى الحلوى تاع السوق حلقوم و الله شفت جارنا ربي يبارك يخدم مليح ربي يسهلك انشاء الله 🤲
أولا استخير و تبانلي مكانش مشروع ناجح عندنا قد الأكل دير دي ساندويتش كارانتيكا ولا معقودة ولا شكشوكة ولا منعرف المهم حاجة لي تعرفها تتكونصوما و متفسدش ليهليه
تقدر تبيع اكسسسوارات وشوشوات والعاب اطفال فريب من سوق رييسي ولا جهه ون كاين بزاف نسا
Tqder takhdem des mini pizza omporter Hel page insta wla fb sewqelha chwya woir prix chebb wla hab tabla 3lik w3la ma3en wla hwayj nssaa
و من الأحسن تديرها في بلاصة فيها بزاف الحركة (جيهة الإدارات ولا بولفار تاع حوانت ولا سوق) المهم الفايدة فالنظافة و المعاملة و البنة متنساهاش و ربي يوفقك لخبزة الحلال
ماراكش مسجل معانا. تقدر تفيدو؟
تقدر تدخل بسهولة منا
Sign in with Google