مجهول
اذا تسألي انا نخيط طابليات و طراشن و جبب تع صغار مي البيع عيان حاولت من صفحة فيس..
اذا تسألي انا نخيط طابليات و طراشن و جبب تع صغار مي البيع عيان حاولت من صفحة فيس بوك بدون جدوى؟ واش تنصحوني؟
ننصحك تشوفي حوانت قراب يبيعو الماعن و تتفاهمي معاهم اذا شدو عليك بلعقل راح تمشيلك سلعتك او بدلي المشروع يعني تعرفي تخيطي كايل بزاف حلول ....💕 أنا مقدمة مواضيع الخياطة للمبتدئات دروس بالشرح و الصور لي حبة تتعلم الخياطة و خصوها نصائح وتوجيهات في هذا المجال تتفضل لصفحتي مرحبا بيكم كامل 💕
سلام عليكم، هل جربتي عمل اعلان ممول للصفحة الفايسبوك؟ تقريبا هي افضل طريقة حاليا لجلب الزوار المهتمين بهذه المنتجات😉
لازم ديري لمستك الخاصة فيهم ويكونو مميزين يعني اذا كانو عاديين شكون راح يشري طرشونا ملفايسبوك ، ولازم تبعتي لي زانفليونسوز يديرولك اشهار
كاين عدة اسباب ممكن اذا عند بيانات اكثر نقدرو نحدو وين راهي المشكلة. على العموم في غالب الاحيان المشكلة تكون في الفئة لي راكي تستهدفي فيها والقناة لتستخدميها باش توصلي للفئة هاديك. الناس لي ستهدفتيهم ماشي هوما لي يحتاجو طراشن وجبب. في رايي ابداي بعفسة وحدة برك سوا طراشن سوا الجبب. اذا الطراشن ابدا خمي في وشكون يحتاجهم. مثلا لي يحتاجوهم ليقضوا وقت بزاف في الكوزينة ولا حتى الميكانيكي يعتمد واش نوع راكي تخدمي فيه وممكن حتى اطفال تع الروضة. كاين فئات كثيرة ممكن يستفادو منهم انتي حدي فئة وحدة برك من هادو واستهدفيهم. شوفي المحاضرة لراهي في قسم الفيديوات في الصفحة صح طويلة شوية مي تفيدك ان شاء الله ابداي من دقيقة 3. واذا سؤال ونقدر نعاول ان شاء الله راني نعاون واش نقدر
حاولي تغيري في الشكل المألوف هذا تاع لي كارو.. استوحي مودال جديد.. الناس تخب دايما الجديد و حنا ملي خلقنا نعرفوا غير هاد المودال تاع الطراشن.. معليش فيه مجازفة لكن اكيد راح تنجحي ان شاء الله
حاولي تبدلي شوفي حوايج اخرى تخيطيهم ما تبقايش غير في طراشن و طابلياات هاك ما تمشيلكش الخدمة
غيري الشكل المعتاد.. استلهمي أفكار جديدة بطابع تقليدي و اعرضي منهم على المحلات
الخياطة ماشيا في وقتنا بيعي لجيران وجيران يجيب لك حبابهم وهكذا والمعاملة زينة اكيد بالتوفيق
وزيد كاينا طريقة نديروها كيما تكون عندكم نفسة (نافس)حطي سلعتك عندها تتباع طايرة
حاولي تصنعيها بالاسماء مثال (للأم و بناتها)ممكن تتصلي بواحد يطبعلك الأسماء على الطابلية...حاولي تصنعيها بأمثلة عامية مطبوعة... بالإضافة عليك و على السعر باه تقابلي السلعة تاع الصين
كاين موقع freehali برطاجي فيها أعمال تاعك و كاين برطاجي في قروب لي فيها نسبة كبيرة أعضاء و تاني انستغرام و واد كنيس و ديري بطاقات تعريف Carte grise باش تعرفي بروحك ومديهم للحوانت ونساء و عيادات مثلا تجار الجملة لازم ديري علاقات ماشي تقعدي في بلاصتك تحركي
نن الاحسن تتفاهمي مع محل لبيع الاواني المنزلية و ثاني مدي لعايلتك و حباباتك يبهثوهم لجيرانهم ولا ناسهم و يديرولك اشهار و هكذا يعرفوك ناس و يوليو يجو يشرو عليك
درك منقدرش ننصحك ياختي بلا منشوف واش راكي تخيطي .الخ ربي يفرج عليك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google