ادا ممكن تسقسيلي شحال يكون متوسط ربح وكالة سياحية في الشهر؟

ادا ممكن تسقسيلي شحال يكون متوسط ربح وكالة سياحية في الشهر؟

الوكالات السياحية حسب دراسات سوف تنقرض تدريجيا في المستقبل لأن الناس في الحاضر يقومون بإجراءات السفر بنفسهم (الفيزا و التذكرة و حجو الفندق )

اذا تكون مسير مليح و تفهم للتسويق و تعرف وش دير و وش ما ديرش تمشي اذا لا غير مكلاه تعبها و دخلاتها و خرجاتها ياسر زيد راك تحط ملاين على كل شركه طيران ب تجيبها و تخدم بيها يعني اذا بش تحل بالخطوط الجزائرية و الطاسيلي فقط فأنت مثلك مثل غيرك بصح كي تجيب الاماراتية ولا القطرية ولا الفرنسية صعيبه و تطلب دراهم .. القطرية وحدها فايت متين مليون تحطها ضمان بش يمدولك تخدم و هذا اذا يمدوا اصلا ... زيد راهي لازمها الوووقفه و الذكاء و العروض و الرحلات المنظمة لازم لاززم لانو هي الربح فيها بزاف .. اذا تحسب انو الخطوط الجزائرية تعطيك بزاف دراهم كي تبيعلها لاا!! مثلا انت باه تبيع تذكرة من تزاير لوهران ياخي حتبيعها بنفس سومة الخطوط الجزائرية مش راح تزيد لانو الزبون يعرف و يولي يفضل يروح للبيرو تع الخطوط وما يجيكش انت .. مهم اذا بش تبيع بنفس سومة راهي تعطيك عشرلاف فقط عن التذكرة الوحده سواء كانت بمليون ولا بمتين الف كيف كيف! ربحك ديما في العمرة و الحج و الرحلات المنظمة و الخطوط الاخرى تخلص غاااية.

سؤال صعب اولا كل وكالة سياحة و كيفاه .. متوسط المصاريف الشهرية هو يحدد ايضا الارباح الاشهرية. انا اتكلم عن تجربة و ليس من ثقافتي العامة ..اولا حتى تفتح وكالة تقدر دير حجز تذاكر و فنادق و هادا مفيهش فايدة كبيرة ضئيلة. ثانيا الرحلات الداخلية فيها ربح نوعا ما و لكن لازم تكون عندك سمعة جيدة حتى الناس يبداو يجو عندكم و هدا يتطلب وقت ايضا حتى يتعرفوا عليكم الناس .. الرحلات الخارجية تحتاج اموال طائلة حجز الفنادق و حجز التذاكر لازم تحط دارهم في شركات الطياران كضمان. و يتطلب اموال كبيرة . اما العمرة و الحج فهذا دراهمو اكبر بكثييير ..مثلا تحط 200الف ريال سعدودي ..قريب مليار بدراهمنا ضمان للوكيل. و لازم يكون عندك وكيل باش دير رحلات عمرة .. و خلي ضمان تع سركة الطيرات و نقود الي تحهم في الفنادق لاحجز .. اموال كبيرة جدا. لكن الربح ايضا كبير. لكن ادا تحب تخدم غير رحلات الداخلية و تونس مثلا و حجز الفنادق و تذاكر السفر . هنا الربح يكون قليل ..لكن بالتحديد مستحيل معرفته

ياودي انت وواش راك تخدم راكم حاسبين ارواح ودير دراسة حدوى رانا نظربو معاها شهر دراسات باش نعطوكم نتائج المهم ربي يعاونك حنا في خشاب نرة على مرة رانا نحطو دراسات جدوى 💎

Sadipent wech yekhdem machi ga3 kifkif .. w les produit li yechrihom esq 2ème main wela 3ème main exct mai fiha bezaf drahem