حبيت نسقسي الناس لي تعلمت الكروشي و دارت حقائب و حاجات أخرى منها .. كم المدة لي ..

حبيت نسقسي الناس لي تعلمت الكروشي و دارت حقائب و حاجات أخرى منها .. كم المدة لي تعلمتو فيها طويلة بزاف ؟ وش اكثر المشتريات من الكروشي؟

تعلمتو فمدة قصيرة وحد السمانة كنت تعلمت القواعد تاعو كامل ممبعد بديت نخذم عفسات خدمت فيهم يديا كان على قد حالهم الضفيرة تجي مرخوفة مع الخدمة حكمت يدي وحد الشهر وليت مقتنعة بخدمتي مش بزااف بصح وصلت لمرحلة لاباس بيها من الاتقان نقولك اهم حاجة تتعلمي من عند واحد يعلمك على الصح أنا تعلمت من اليوتيوب فقط على وحدة مصرية اسمها crochet coffee اتعلمت عليها القواعد والاساسيات وممبعد قلدت خدمتها بزااف فالاول هي تعلم على الصح وكنت يوميا نخدم بيه لأني نحس براحة نفسية كي نخدم لكروشي نصيحة اخرى : ماتحوسيش تديري حاجة صعيبة فالاول ديري حاجات سامبل ومايدوش الوقت باه تحسي بالانجاز وبلي اكي تتقدمي ويلاكان عجبك راح تبدعي فيه لأني أنا كنت بزااف مشغولة مع الدروس فهاداك الوقت وقدرت نتعلم الحمد لله

أحسن موقع تتعلمي منو هو pinterest

Na3ref ndire crochet mais jamais ba3t 7aja, psk sof tjini bzf ghalya w 9lil win nsibha, des fois techri bs7 ki tji tzidi ma tsibich la meme w ma yzidouch yjibouha w lprojet ta3ek yro7 hakak.

@amelodies_ @fatima_zohra_baroudi

شوفي لازملك وقت بأه تتعلميه و تتقنيه ولازم سوغتو تحبيه لانو يحكم اليد و لازم خامات تع الخيط تكون ذات جودة بأه تكون خدمة مليحة.... بصح عندنا أمور لي تتخدم بيد يستخسرو فاها دراهم لأنها كي تحبي تدي حقكو قدقد تجيهم غالية.. و قعدت ستة أشهر بأه تعلمت غرز سامبل بصح ما وصلت للحقائب درت شاغب ليبوندانا... و نشري خامة تع ترك بخمسين الف كبة و طلع.. شاغب يتخدم بربعة تو اكثر حسب ميتراج تع كبة...ميتينلف سلعة مع حق يدك شوية بيعة صعيبة انا حبست عدت نخدم ليا برك و لازم نشري سلعة اكثر من نسحق لاني قادرة ما تكفينيش نجي نشري ما نلقاش...

تتعلميه ليه ليه ماهوش صعيب. بصح يحب ممارسة باش يدك تولي خفيفة فيه.. كما اي حرفة.. اذا رح ديري حقائب.. اخدميهم بالخيط تع الماكرامي والكروشي لخشين.. كاين صفحات يعلمو ويحطو اشكال وتصاميم ملاح للحقائب.. وتفاهمي مع مجل تع خيوط يولي يجيبلك ديما الخيط لي نحوسي عليه بش ما طيحيش اونپان بالخيط ولا اللون.. واتكلي على ربي واخدمي.. واذاديري اوشحة وكذاتولي تخدميهم بالصوف.. هنا ننصحك بليزيقوي خير للحياكة تع الاوشحة والملابس.. ولي يتباعلك راي تتباع الحاجة ذات الجودة ولي خدمتها متقونة. هاذيك هي لي تمشي.. 👑

انا تعلمتو كي كنت صغيرة بصح قعدلي حتان كبرت مانسيتوش لازملو الصبر والمحاولة مع لول شفيت يديا طابو من لكروشي وكذا تعلمي تحكميه وكيفاه تتحكمي بالخيط تدي الخطوات الأولى صيبون تنطلقي حاجة ماتصعاب عليك

Na3rf nkhdem crochet mes jamais be3t

Nakhdm mais sal3a ghalta w fih ta3b w les clients 9lal

Wles aiguilles sirculaire y3awnouk bzzzzzf

Non mchi bzaf ms lazeem tkhdmi wt3awdi gae ma tl9ich résultats mliha flwl maelich 3awdi

Pinterest bzaf mlih fih des idee ta3 tricot wcrochet chabin

فترة قصيرة لكن مع التدريب الدائم وكنت نتعلم من اليوت يسهل لك اكثر بنا انك حابة تتعلم ابداي بخيط الصوف باه تفهم اكثر

بالنسبة ليا مدة التعلم قصييرة جدا في ساعة نهز الفكرة ثمثم بصح الحااجة لي طول هيا التطبييق يدييك لازم يوالفو الخدمة وهادي تطول بزااف وبه تخرجي السطور تاوعك كامل كيفكيف وخدمة متقوونة ططوووول لازملها كل يوم تدربي