مجهول
سقسيلي اذا حاب ندير مشروع محل حلويات بصح نجيب خدام شحال نعطيه الربح و اسكو نقدر ..
سقسيلي اذا حاب ندير مشروع محل حلويات بصح نجيب خدام شحال نعطيه الربح و اسكو نقدر نبدا بخدام واحد برك و شحال تكلف معدات اللازمة للمشروع؟
كتبت هدا الرد في بوست لوخر نحطولكم لحاب يستفيد ...هدا مرة بحثت فيه وهدا الخلاصة لحاب يستفاد: لمليح في محل الحلويات ماشي لازم ماشينات كيما الكوشة ومام الخدامين ماعندك ماتحتاج المهم برك نظف المحل اعطيلوا ديكور شباب اذا بدراهم اعطيلو كاش تلاثين مليون وممكن اقل طبعا انا غير اعطيتك على ديكور صبيغة سبيسيال وهكا مي ماتحتاجش بزاف خناتش سامبل وشباب يكفيز وجيب كاش ربع فريقوات باش تعرض الحلوة نتاعك. اذا حبيت الزبائن ياكلو عندك جيبطوابل وكراسة على حجم لمحل نتاعك, الساهلة تجيب هاديك تع الحيط ياكل وهو واقف اذا عندك ليسباس. دك واش تقدر تدير تقدير تجيب لي يطيب ولا كاين عفسة اسهل تقدر غير تشوف وشكون يخدمهم وتدي من عندو كمية وتدي ربح نتاعك. ولتدي من عندو اذا كانت مخبزة يعطيك سومة هايلة. يسمى ماتحتاجش قاع خدام لي يطيب.وتقدر بسهولة تلقى نسا لي يطيبو وهوما لي يطيبولك ماتكسرش راسك قاع بخدام. دير في بالك برك بلي ماتقدرش تفتحو ببطاقة حرفي. اذا كوشة نورمال. مي تع الحلويات ماتصلحش تديرو ببطاقة حرفي. تفتحو بسجل تجاري الاجارءات العادية والاوراق ساهلة نكتهم هنا دك ايه ثان ماتقدرش تدير لونساج عليه
إذا پاتيسًري تلاثة خدامة بريوشار. وپاتيسي وحلواجي تقليدي عندك. بح كبر والخدام يدي بالسمانة اذا دخل في النهار اكثر من تمانة ملايين تقدر ادير التسوية وحدك تنحي كامل دراهم الكرا باليوم والسلعة وهنا كل واحد تعطيه خلصته نعطيك مثال انا البريوشار كان يدي تمان ماية الف في الأسبوعوزوج في التقليدي ستمائة الف في السبوع للوحدة والي تخدم المقروظ والقريوش والمسمن كنت نعطيها مليون في السمانة والپاتيسري كنت نجيبه واجد
كان عندي صاحبي عندو باتيسري و كان يخدم في دارهم القاطو و يديه للحانوت نتاعو مي خرجلو مشروع غير مربح لانو لي يجي يهز بالكريدي و مايسلكش
ابدا وحدك الربح علاش تعطيه؟ اعطي مصروف يدو وماتعطيش الربح خويا ماراهش شريك معاك باش تعطيه وفأي لحظة قادر يروح. الربح ليك طور بيه المشروع. اعطيه شهرية وهني روحك. قريت ثان فكرة في ردود سييها خيرلك @wardabohblida . تعامل مع مخبزة ووفر دراهمك حتى تلقى روحك في السوق وتتمكن منها مليح.
سلام خاوتي أنا حاب ندير لونساج و حاب ندير مشروع بواش تقتارحوا عليا مثلا مطعم عصري ولا مقهى
أجرة الساعة الواحدة = اجرة شهر كامل / عدد ساعات العمل .... و بالتالي الخدام تفاهم معاه على شهرية و لا خلصو بالنهار يعني يخدم مثلا ثمان ساعات مدلو 500 دج طيحلو اخر الشهر مليون و نص و نحي ايام العطلة هذا مجرد مثال ... و الاجرة تختلف على حسب التعب طبعا.... اما المعدات اذا طانو حلويات تقليدية ما يسقاملكش حاجة كبيرة اما باتيسري لازم شوية، اذا كان حانوت صغير دير كيما قالو الاخوة شوف كاش وحدة تخدملك و انت بيع برك... و الحانوت لازم يكون نظيف فوق النظافة . ربي يوفقك ان شاء الله
ماراكش مسجل معانا. تقدر تفيدو؟
تقدر تدخل بسهولة منا
Sign in with Google