مجهول
وفرت مبلغ بسيط من مال وحبيت ندير مشروع صغير نسترزق بيه ماعرفتش واش ندير دبرو علي..
وفرت مبلغ بسيط من مال وحبيت ندير مشروع صغير نسترزق بيه ماعرفتش واش ندير دبرو عليا ولا ندير به. Un stage ou ديبلوم نخدم بيه
حتى واذا درت دبلوم ماشي مضمون العمل. انا واحد من الناس لنشجع على المشروع بشرط ان فكرة انه يدير المشروع تكون جات في بال الشخص. انا واش ننصحك جرب ادخل شريك مع واحد شوف الناس كيفاش راهي تخدم المشاريع تعلم. أو تقدر تبدا بمشروع صغير مام المردود نتاعو ماشي لكبير بالوقت راح تعرف وتتعلم كيفاش ترفدو. كاين افكار مشاريع راهم يهبطوا في الستوري ممكن تفيدك كاش فكرة تهبط. وكاش ماخصك ونقدرو نعاونوك حاضرين. اخر نقطة نذكرها الوقت يفوت واذا شديت خدمة وعندك الوقت في يدك بسوهلة تلقى الوقت فات والعمر مشى. مادام عندك الوقت سيي مشروع ولو كان بسيط واذا ماصلحلكش تقدر ترفد خدمة ولا لكان. وربي يسهلك ان شاء الله
سلام عليكم صاحبي، تقدر تدير ديبلوم اي حرفة كانت وتكون مهتم فيها ولو قليلا ، التكوين المهني ميحتاجش دراهم وتربح ديبلوم حاجة مليحة، ونفس الوقت تقدر تدير مشروع صغير كالبداية مش لازم حاجة كبيرة جدا ، ادخل للسوق تشري لبسة او أي حاجة عاود بيها في الفايسبوك او عاود بيها في أي بلاصة اخرئ المهم تكون حاجة مطلوبة في السوق وتعرف بلي راه تتباع، والعمال علئ الله بالتوفيق✌️🌸
انا ننصحك اذا كان المبلغ يوصلك لشراء سيارة للعمل اي النقل وتكون حر وخاصة في هاذ الوقت ويكونو عندك زبائن أوفياء او التواصل مع شركات النقل يسير وغيرها ربي يسهل
ننصحك تدخل شريك مع سلعة جاية من برا يعني جزء من كونتونار ولازملك تخير ترونزيت والمستورد مليح ،دراهمك يولو دوبل في نهارهم وتقلع بعدها وحدك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google