مجهول
1- وشكون الاحسن نقرا علم نفس ولا اورطوفوني؟ 2- تخصص علم نفس تربوي واش اندير بيه..
1- وشكون الاحسن نقرا علم نفس ولا اورطوفوني؟ 2- تخصص علم نفس تربوي واش اندير بيه في دزاير 3- إذا تسقسيلي أنا نقرا دوزيام علم النفس وحابة مستقبلا نولي بسيكولوغ ...واش لازم نقرا و شحال لازم نقرا ؟
حبيت فقط نفهم حاجة علاه الطب النفسي ماشي شايع فالجزائر يعني قليل وين تلقا شخص مضرار نفسيا يقلك نروح عند طبيب نفسي يداوي 🤔🤔 والجملة المشهورة كي تنصح واحد بطبيب نفسي يقلك انا ماشي مهبول 🙄🙄
علم النفس التربوي في السنة الثانية يقراو علوم التربية مش علم النفس. علم النفس العيادي هو البسيكولوغ وكي جيب ليسانس حط دوسيي فلانام ولا ودخل دير لي كونكور. وبالنسبة لشكون خير ماكالاه دير تفضيل لأنو علم النفس حاجة والأرطوفونيا حاجة لكن أنا واش راني نشوف بلي الأرطوفونيا اللي ناقصة فدزاير كثر من علم النفس
مستوى علم النفس في جامعة وهران اعلى من الارطفونيا و العاصمة العكس هذا من جهة التعليم ، و من ناحية الصعوبة علم النفس يتطلب حفظ و بحث و جهد اكبر و هذا لكثرة التخصصات ارطفونيا دراسة علمية اكثر من كتابية و حفظية،اما ف المقارنة ارطفونيا تخصص واضح و في المستقبل تفتح عيادة و تتطلب خبرة + اموال أما في علم النفس هاذو افضل تخصصين من ناحية العمل ( علم النفس العمل، علم النفس الإكلينيكي ) اما علوم التربية عندك تخصص علم النفس التربوي تقدر تعمل بيه ف l'Académie او معلم ابتدائي عندك ارشاد و توجيه تقدر تولي مرشد تربوي و عندك تربية خاصة و هي احسن تخصص تقدر دير روضة او مؤسسة تربوية خاصة مثلا بأصحاب متلازمة داون او لي عندهم تأخر ذهني و بالتوفيق انشاء الله
كل من التخصص علم النفس و الارطوفونيا لازمو ميزانية💸💸💸 خاصة اذا كنت تخمم تفتح عيادة .، و من وجهة نظري الارطوفونيا أحسن 👌
انا في التخصص وقريت ارشاد وتوجيه كنصيحة من شخص عارف نقلك روح ارطوفوني مغمض لان تقدر تخدم بيها تفتح بيها وحدك ولانهم قلال وقليل وين تلقاهم وانت غرضك من الدراسة الوظيفة الارطوفوني راح تأمنلك مستقبلك. تجي بعدها التربية الخاصة وعلم النفس العيادي اما بقية التخصصات فلا انصحك خاصة ارشاد لازم مسابقة وكل عام 5 مناصب والالاف يتنازعو عنها
علم نفس تربوي انا قريت شوية منو فموديل كي كنت نقرا واستفدت منو بزااف
على حسب اهتمامك و هدفك ... اذا تحوس تخدم ديراكت دير أرطوفوني لانو تلقى بيها الخدمة ، أما باقي التخصصات انت و شطارتك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google