مجهول
سلام تقدر تسألي أنا كرسامة هاوية واش هوما الأدوات الأساسية لي نسحقهم مع العلم أن..
سلام تقدر تسألي أنا كرسامة هاوية واش هوما الأدوات الأساسية لي نسحقهم مع العلم أنا كنت نستعمل قلم الرصاص فقط و منين نقدر نشريهم ف Alger؟
اهم الشي الورق والقلم. القلم لمهم فيه يكون عند نتع ب١ ل 8 وانتاع اش من 1 ل 8. ولا تقدري تبداي تشري اقلام التكن كلشي يستقام وحد ستين الف. انا لي يعجبوني فايبر كاستر. لحوايج لخرى راكي تجيبيهم كي تطوري من نوع الرسم كالالوان الزيتية. الالوان الزيتية اذا رايحة تلوني في كانفا. واذت تلوني على الحيط ولا لورق ولا لخشب تحتاجي الالوان المائية. كاين الوان تان صبيغة لحديد وزجاج هادي صبيغة لتنباع عن بانتيور. بخصوص لمحلات كاين محل تكنو في العاصمة عند تمتال عبد القادر، وكاين لعند مقام الشهيد لابلوم وكاين لعند مدرسة الفنون الجميلة. الحاحة لاخرة لنقولها من ناحية شرعية كاين فيها كلام تحريم ذوات الارواح فشوفيها وقراي عليها.
تقدري تلقاي كلش في مكتبة قدام معهد الفنون الجميلة يبيع كل مستلزمات الرسم
كاين كلش عند Techno الا تحبي ترسمي بالرصاص كاين من F h Hb b1...b9 هذو تدرجات الرصاص يسهلو عليك الخدمة و جي متقونة. كاين الرسم بالألوان تاني كين بزاف تدرجات و لمليح faber castel ماعلاباليش الا تلقاي عند تكنو. كاين الرسم على la toile ب acrylique ولا بألوان زيتية. فيهم des techniques تلقاي كلش ف يوتيوب باش تتعلميهم. و يتباعو عند تكنو.و فالاخير نقولك ابداي بالحاجة و تعلميها مليح باش تروحي لواحدخرا و اشتري الأساسيات مع الوقت تعرفي وش يخصك. و بالتوفيق ❤️
ماراكش مسجل معانا. تقدر تفيدو؟
تقدر تدخل بسهولة منا
Sign in with Google