مجهول
أنا نقرا ماتيلام 2 ème .. أنا صح نحب المات مي فالصح حابة ندير ميدسين علابالي نقد..
أنا نقرا ماتيلام 2 ème .. أنا صح نحب المات مي فالصح حابة ندير ميدسين علابالي نقدر نديرها ماتيلام مي لازم موايان كبيرة وانا المات منجيبش مليح نطلع بليماتيار لوخرين .. دوكا اسك نكمل ماتيلام ولا نبدل سيونتيفيك؟ واش رايكم؟
بدلي انا كنت ماتيلامو على قد ما كنت نقرا كنت ندي ديما 11 فالماط كانت محبطتني و هلكتني فالباك المهم واحد ما يخرط عليك سيونس تع تغمينال معندهاش علاقة بتع دوزيام و المات راح تجيبي فيها مليح بيسك طلعتي النيفو مع الماتيلام و الفيزيك تع تاغمينال حفاظة و زيدي ليكوغ راح تولي طيري
شوفي تقدري تبدلي بصح تخسري عام لانو لازم تعاودي م 2 ثانوي (لو بلمعارف تقدري بصح ..) وانا كنصيحة لو الطب حلمك بدلي لانو تبدلي الان وتخسري سنة احسن من انك ماجيبيش الباك بالمعدل المطلوب تخسري اكثر وزيد كي يكون في عمرك ربعين سنة هاد العام لي راحلك ماراح تحسيلو لانك طبيبة بالمقابل لو كنت مهندسة راح تندمي وتقولي لو خسرت عام وحققت حلمي افضل من اني ربحت عام وراني في اختصاص لايستهويني ،🖤🖤
Ana ngoulek g3oud maths psk maths ghadi tbaser f les maths w physique mais ida roht scientifique tal9anrohek tbaser 3la 3 matière (math /physique et science ) w programme ta3 science bzff twil donc ghu be9a math w zayer rohek wsayi
ادا عارفة روحك متجيبيش فوق 16 ف باك غي بدلي و المشكل فالماتيلام غي مات و فيزيك معامل طالع فتارمينال معناها مطيقيش تعوضيه بالمواد الاخرى تبالي شعبة علوم أفضل بزاااف للطب و زيد فالمات راح تقراو نفس الدروس تقريبا يصعبولكم الموضوع فالباك برك لانك ماتيلام 😑
تقدري ديري ميدسين ب16 نوغمالمون وتقدري تديها اخدمي فلوخرين ومات تع لباك جيك ساهلة برك اقراي ملي يبدا لعام مام متخدميش فليتريماستر متخافيش برك والفي ليسوجي لقاسحين وبلا ماتبدلي خاطر تتلفلك سيونس تع ليسيونتيفيك معامل 6 وماتيليم 2 يتسما قراية تع دوزيام مشي كيفكيف وتقدري تسحقي عفايس فتيغميينال مقريتيهمش مقبل
متقدريش تبدلي للعلوم تجريبة في باك باسكو هوما قراو دروس نتي في شعبة ماتيلام مقريتيهاش و الله أعلم
متنجميش تبدلي الا اذا عاودتي العام مي تقدري ديري طب فشعبة تاعك تقريبا بنفس معدل تاع العلميين لانه الماتيلام عندها الاولوية على العلميين
بدل للعلوم باسكو من المعتاد المعدل المطلوب في الطب لشعبة العلوم أقل من المعدل المطلوب لشعبة الرياضيات + شعبة العلوم عندك العلوم و الفيزياء هي لي تعوض بيها الرياضيات يعني 3 مواد أساسية أحسن من شعبة الرياضيات عندك غي مادتين أساسيتين
المات تع التارمينال حاجو وحدخرة قاع تقدر تبدا من جديد و تجيب 20 عادي .. انا كنت سيونتيفيك جبت المات و الفيزيك مي الصيونس ماغري نعرفها غاية بصح جبت غي 15 و راني نقرا ميدسين دروك .. انا تبانلي قعد ماتيلام باسكو المعامل تع الصيونس غي 2 و المات تقدر تبدا من جديد
انا استاذة رياضيات على حد علمي الى حبيتي تبدلي تعاودي 2 و انا من افضل كيما راكي تقولي عاودي 2 eme و راكي مليح في رياضيات و فيزياء تبقالك غير العلوم قريتها سنة اولى مغديش تغبنك و تعملي لتحضير البكالوريا و خاصة في رياضيات و فيزياء اساس في ثانية و تجيبي معدل مليح انشاء الله في باك متقدريش تبدلي ديركت من مات للعلوم في ترمينال لانك مقريتيش علوم و علوم مادة اساسية في شعبة علوم تجريبية
متنجميش تبدلي لكن تنجمي ديري طب بنفس معدل العلوم التجريبية يعني اجتهدي برك فالرياضيات والمواد الاخرى وربي يوفقك
المات تع التارمينال حاجو وحدخرة قاع تقدر تبدا من جديد و تجيب 20 عادي .. انا كنت سيونتيفيك جبت المات و الفيزيك مي الصيونس ماغري نعرفها غاية بصح جبت غي 15 و راني نقرا ميدسين دروك .. انا تبانلي قعد ماتيلام باسكو المعامل تع الصيونس غي 2 و المات تقدر تبدا من جديد
لو عندك معارف تقدري شوفي لو عندك معارف تقدري نعرف ناس بلمعارف بدلو من اقتصاد للمات تيكنيك ونعرف ناس عاودو العام وطلعوهم سوو 🤷🏻♀️🤷🏻♀️ ياو لكان ماتبقايش فالثانوية تاعك مهم بدلي وحققي حلمك 🖤🖤
ida mtbghich l math 3lh drti matheleme ms la3layna ana tbanli zayri rouhk l math t3 bac rah sahel kmli math w rbi ywsslk win raki baghya
تبعي هاد الأستاذ تولي تفهمي مليح الرياضيات @amine.prof.math سقسيه بالاك يقدر ينصحك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google