اذا تسألي المتابعين كيف احصل على فيزا لأمريكا؟ نروح للسفارة ولا مكتب ولا كيفاش؟ ..

اذا تسألي المتابعين كيف احصل على فيزا لأمريكا؟ نروح للسفارة ولا مكتب ولا كيفاش؟ ووشحال تستقام هكاك؟

دك كلشي راه مغلوق حتى نهاية العام كاين انواع فيزا اذا سياحة نوعها: B1/B2 اذا قراية F1 المهم على نوع الفيزا نتاعك الخطوات تقريبا متشابهة تعمر فورم في السيت نتاعهم (مهمة هادي ماشي في أي سيت) وسمها DS-160 تخلص 20800 دج للفيزا السياحية. والمبلغ تخلصو في موقع ارامكس قبل الوحدة تع لعشية بعد ماتحجز الموعد نتاعك من السيت وتطبع ورقة وسمها CGI كي تحجز الموعد تخرجلك الورقة هاديك ولازم تروح في الموعد نتاعك والمبلغ ماتقدرش ترجعو اذا بدلت رايك ولا. مكاتب ارامكس كاين في العصمة, الحاسي, ووهران.كي تخلص نقدا يعطوك ورقة ,بالاك تودرها. موراها لغدوة من داك بعد 11 نص نهار تدخل وتحجز موعد للمقابلة في السفارة وهي المصيرية تصويرة لازم قياسات معينة ماشي اي تصويرة. وعملية التقديم كامل تصرا في السيت نتاعهم بالاك تعمر في سيت ماشي نتاعهم. طبعا كاين مكاتب يديرولك هادي الخدمة اذا حبيت مي انا مانعرفهمش الحقيقة. هاوليك سيت نتاعهم للتقديم ونكرر كلشي راه مغلق دك ماتقدر تدير والو مي منا للقدام ان شاء الله المختصر: الفورم تعمرها هي لولة: https://ceac.state.gov/genniv/ مباعد تطبع ورقة الدفع: https://cgifederal.secure.force.com/?language=English&country=Algeria تخلص كي تخلص تحجز موعد هنا: https://cgifederal.secure.force.com/?language=English&country=Algeria تروح للمقابلة

@algerianlens1 kayen hadha tab3ou yfidk bzzf psq howa rahou tham adkhol la chaîne ta3ou f YouTube rahou kayn réponse l la question ta3k et bon courage🙏🌹