ما هي شروط فتح صالون تجميل في الجزائر!؟ و ماهي الميزانية الادنى لفتحه!؟

ما هي شروط فتح صالون تجميل في الجزائر!؟ و ماهي الميزانية الادنى لفتحه!؟

شوفي نحاول نكتب كامل المعلومات على هذا المشروع لي حاب يستفاد. اولا تجنبي الحرام في الخدمة تع التنمص وغيره ورزقك على ربي نعرف وحدة ملي حبستهم دراهمها عادو كافيينها. بالنسبة للصالون كاين وشحال من وحدة نعرفها بدات من الدار دارت لكليون خاطر اذا خدمتمك وسومتك مليحة دايما يرجعو ليك. كي لايمت لي كليون فتحت حانوت من نهارها لول خدامة الله يبارك. المسكلة لي تعاني منها هي الخدمات مايقعدوش فديريها في بالك اذا افتحتي الصالون ودرتي الخدامين لازم تكون دارتيها في البال ممكن الخدامات يروحو باش تحطي في بالك بلي محلك ولازم تديريه بنفسك مليح. تقدري باش تبداي المشروع ببطاقة حرفي تكفيك وراه موجود كيفاش تخرجي بطاقة حرفي ونبعتها للصفحة يهبطوها في الهايلايت. خيرلك من السجل التجاري في لي زامبو يبداو من 9000 دج ولاصيرونص نص تقريبا السجل التجاري بخصوص التكلفة صالون شباب بالاك كامل تحطيلو ميزانية 200 مليون هاي واي تديري في بالك عند تلات اقسام 🌫 الاول من التكلفة المتستمرة نتع لكرا والتريسيتي والماء والتلفون والانترنت, وخلاص الخدامين ولو بعض الحفافات يخلصو الحفافة غير كي يجيها كليون ولهدا السبب مستحيل يبقاو عندك وين يلقاو الخدمو يروحو مي اذا يخدمو بشهرية اغليهم يقعدو عندك مي نتي والخدمة نتاعك. المهم هادو احتياجات الشهرية في لمحل وهي هادي متغيرة على حساب استخدامك واحتياجك 🌫 الثانية تهيئة شكل المحل. بحكم الصالون لازم ديكور شباب مع الانارة الجدابة وهك وأثاث مسقم. . ⭐️الديكور كونتر بلاكي وحد العشرين مليون مساحة هكاك 4x4m ⭐️وزيدي lave-tête يستقاملك وحد خمس ملايين وكاين نوع تلقايه بالاك مليون وعفسة مي شوية صغير ⭐️كاسك سيشوار un casque ceriotti وحد زوج ملايين ولا ⭐️معقم مشاطي وهك Sterilisateur كاش تلات ملايين ⭐️سيشوار كاش 800دج ⭐️هادا ماشي مهم مي نحطة معليش مكتب استقبال سبيسيال وحد 8 ملايين وكاين نتع 4 ⭐️سخان نتع الماء لي شتا وحد 3 ملايين ⭐️مراية كبيرة على حجم لمحل مي بالاك كاش مليون ولا ⭐️سرير matelas esthetique وحد 2 ملايين ⭐️lisseur كاش مليون ونص ⭐️اذا تديري تع البخار نتع لوجه Vapozone كاش 2 ملايين 🌫 الثالثة هي العتاد لتخدمي بيه مشاطي وشاموا وهكا: ديري في بالك بلي تقدري تديري عشر ملايين مي ممك ن اقل بكثير على واش تخدمي, السلعة لي مخدومة في دزاير سيروم وغيرها ارخص من الخارجي

سجل تجاري و حانوت للكراء و المعدات سشوار و ما تبعه و مكياج و مرايات و كراسي و ع حسسب وش تحبي تكون سمحه و في المستوى و لا عادية !! تقدري تحسبي في ورقة تقريبا شحال تستقاملك لانه لمن يقدر يحددلك

حساب تعليمي لتعلم اللغة انجليزية بطريقة سهلة و سريعة عن طريق خرائط الذهنية مرحبا بكم ❤️

@beaute_zou

Lazmk Kolchi bl kra o l matériel l maquillage et tt raki 3arfa 70 millions ila knti haba hja mliha professionnel mais haja geliit 40 ghir nti farzetha et bonne chance❤️

مكاش شروط ، محل و مستلزمات الي تخدمي بيهم و حلي بطاقة حرفي و خدمي على روحك