عبالي رزق بيد ربي سبحانو, انا نقرا انجليزي engl و خايفة مبعد مانقدر ندير بيها وا..

عبالي رزق بيد ربي سبحانو, انا نقرا انجليزي engl و خايفة مبعد مانقدر ندير بيها والو، انصحوني, اذا مكاش كفاه نعاود لباك وخلاص

mate9edré diri welou b Anglais !!!! vs êtes sérieuse là ? te9edré t9erri f CEM ou Lycée (écoles privées), te9edré diri les cours en parallèle, tekhedmé comme traductrice, tekhedmé f les ambassades, il suffit juste tkouni chatra et puisque mazelté te9rey beh profites, genre hewsé 3la des groupes en Algérie ou des associations créés par des jeunes yehedrou in English keyen bezef, edokhli m3ehom et diri plastek f ce domaine, l'anglais en Algérie c plus comme avant, les choses ont vrm développé, I wish si j'avais une licence ou un master anglais ! Bon courage à toi, jspr que tu prendras la bonne décision qui te convient TOI pas les autres, matessem3i l heta wehed 💙

اناكملت قراتيي فى اللغه الانجليزيه. وراني نخدم فيها في الاستيراد مع شركات في الخارج. و في نفس الوقت نفري بيها. قريت مضيفات الطائره.و درت دروس خصوصيه لاطفال.. كيما قالت وحده هنا . كملي و في نفس الوقت ديري. تكوين في تجاره دوليه. والخيار الاخير يولي ليك اختي

نصيحة ختي كملي فيها و زيدي ديري ديبلوم تجارة دولية ولا علاقات إقتصادية ولا حاجا متعلقة بالأعمال قرايها فجامعة التكوين متواصل و ربي يوفق نشاء الله

سلام عليكم، علاه هذا التخصص مليح وخاصة إذا راك متمكن فيه ، فيه فرص عمل عديدة ، واذا مالقيتش تقدر تخدم في مواقع الخدمات المصغرة مثل فايفير وغيرها ء مترجم او كاتب مقالات او معلق صوتي ، بالتوفيق⁦✌️⁩🌸

اسمحيلي ختي بصح حكمتي على روحك بالفشل قبل ما تبداي وهذا هو الفرق بينك وبين لي نجح الناجح خاطر و نجح اما انت فلم تخاطري .. انا تاني نقرا اونجلي ونقولك بلي غير هي لي كاينة درك الخدمة على راسها بلاك في منطقة تاعك الله اعلم لكن العموم كاين خاصة صحرا .. ومع لي زادو الانجليزية فالمدارس راح يحتاجو اساتذة وكاين تاني مجالات اخرين مش شرط تعليم

لا متتقلقي ما والو، تقدري ديري حوايج بزاف بيها، اذا مثلا كنت مهتمة بالتعليم تقدري تعودي تقريها سواء في مدارس عامة او خاصة ولا مثلا تكملي دكتوراه وتعودي تقريها في الجامعة، تقدري ديري بيها ترجمة ايضا، نقولك كيفاه ؟ اكتبي في ڨوڨل وشي هوما الوظائف لي ممكن ديرهم بديبلوم تع اللغة الانجليزية ونتم تتضحلك النظرة أكثر وتعودي تعرفي ميولك أكثر فأكثر، وكيما قتلك متتقلقيش... صدقيني واللّه ديري وش ديري واقراي وش تقراي لكن مشكل الوظيفة رايح يواجه أغلبية الطلبة. بالتوفيق 😊

هوا هاد الفروع الفكاهية ماعندك ماديري بيهم في دزاير ... بصح كاين حاجة لي هيا تقدري تخدمي اونلاين ولا فريلانسر دخلي دراهم كثر من الوظائف

الإنجليزية مليحة الواحد يقراها و في التخصص هدا كاين الخدمة فيه "استاذ ، عند الدولة و لا في المدارس الخاصة كاينين بزاف ، كاين تاني لاريسيبسيون في لي زوتال ... الدا عكستلك فيهم كاين باب الهجرة من لبلاد هذي مي لازملك الإنجليزية

عاودي الباك ولا ديري تكوين خير ليك نصيحة من عند وحدة ماستر انجليزية وحاطة يدي على خدي

راكي سيريو ختي ؟؟ لونجلي يحتاجوها ف كل بلاصة .. تقدري تقري ف السيام ولا ليسي .. تقدري ديري ليكور ..تقدري تخدمي ف الشركات والمؤسسات الخاصة .. تقدري حتا تخدمي اونلاين .. درك ف وقتنا امبوسيبل تبقا بطال

العكس انا يبانلي فيه بزاف فرص اقراي برك مليح وكملي فالجامعة تقدري تقري متوسط والا ثانوي دروس خصوصية...... المهم تكوني متمكنة من اللغة تفتحلك بزاف بيبان

Anglais ida ma derti walou walou te9edri freelancing sinn enseignement privé ou public traduction les cours ... je te conseil berk ma teteklich 3la l diplome bark zidi diri d'autres formations madamki f la fac

@ines_dlh

Fi 3ord li t3awed bac dir ts f centre

نقولها ونعاودها 😂 كل تخصصات بدون إستثناء مفيهاش خدمة 🙌، ماعادا إذا قافزة بزاف، ولا عندك معريفة و لا تخدمي مع واحد من عايلتك، لهذا ننصح ديرو تخصص تحبوه لأن فالأخير راح تتحتم عليكم ديرو مشاريعكم أو شركة خاصة بيكم، و متكونش خمس سنين ضاعت فباطل، التخصص لتحبوه راح يخليكم مبدعين فعملكم ومنها متحتاجوش ناس تخدمكم وتمدلكم ثمن زهيد

اقرأي مليح تجيبي الدكتورة تلقاي خدمة

f dzair kml ls spclt ma3ndk madiri bihom malheureusement... dc kmli 9ray w takli ela rabi

عاودي لباك نصيحة من عندي انا درتها و كملت ماستر تقدري تقولي ضيعت حياتي و ندمت بزااااف

@lynda_kawaii

Manich nfachel fik mais il faut tdiri heja okhra psq mm ana anglais w ani ge3da

@selma.hamadou can you help ?

اطمني لقراية كل مديري بيها والو 🙃

تقدري تقري بيها في المدارس الخاصة و العامة ، تقدري تقري اونلاين ،ولا قناة يوتيوب ، وحتى بلدان الخليج تقدري تخدمي أستاذة ،

شهادة اللغة الانجليزية جيدة ومطلوبة واصلي في تخصصك.. أبسط شيء يمكنك تقديم دروس الدعم للتلاميذ أو العمل في مدارس خاصة إذا راكي مقيمة في مدينة كبيرة مثل العاصمة وبومرداس ووهران