انا نسكن في قسنطينة هذا العام مقبل على امتحان البكالوريا بإذن الله حاب نقرا في E..

انا نسكن في قسنطينة هذا العام مقبل على امتحان البكالوريا بإذن الله حاب نقرا في ESI في العاصمة اذا يقدر يقدر واحد يقوللي واش هي المصاريف طول العام من اقامة الى نقل...الخ وشكرا⁦

المصروف انتا وطريقة العيش تاعك .نحكيلك التجربة بالتفصيل الممل .. تقدر تعيش علي اقل من مليون وقادرة حتي ثلاث ملاين ما تكفيكش اذا راح تفوتها فاست فود ما توماكلة ..ما نقولكش ما تعيشش حياتك عيشها خطرة علي خطرة مي اعرف البلايص وتعلم كيفاه تقتصد باسكو هاذي الهي الفترة تع الحياة هي لي راح تعلمك تتكل علي روحك ما تبقاش تتكل علي الغاشي يعطيلك او تستني والديك يبعثولك ..او تتسلف . اذا عندك حرفة او ميتي حاول تستفاد منو وقت الفراغ تاعك عندك الويكاند حاول تنافيقي وبعد علي الصحبة لي ما تعجبش وديما عيش علي قد حالك ما تشوف لي هوما اكثر منك وتحاول تعاندهم راح تخسر دراهمك وقادر تخسر حتي قرايتك .. المهم هاذي خلاصة سنين الجامعة لي فوتهم والحمدلله تخرجت بشهادة عليا ..وبرصيد علمي ايضا .. و موضف في شركة محترمة والحمدلله .وربي يوفق اي واحد جاهد في الجامعة وقرا وتمرمد علي جال باش يفرح والديه في المقام الاول وباش يبني مستقبلو في المقام الثاني ........وربي يوفقك ان شاء الله

انا نقرى فدزاير نقولك ادا تصرف ريقلو تكفيك من مليون الي مليون و نص فالشهر. مع التجربة تزيد تبانلك ..صحبتي يبعتولها دارهم اقل من مليون و عايشة نورمال. الشهر الاول راح تصرف اكتر من باقي الشهور دونك ادي شويا زيادة لانك مازال ماتعرفش و قادر دير اخطاء تاع ترونسبور ولا.. ربي يوفق.

الاقامة فلاسيتي و النقل تان ..ماتصرفش عليهم .ا دير حساب مليون في الشهر المصاريف الاخرى

Hia ida ta9der edi m3ak un million f le premier mois w chouf ch7al tasraf, psq kayen restaurant f la cité ida takol kol youm ltem ak matasrafch bzf w ida 3andek par exemple un problème f l'estomac win lazemlak un régime w lazem tyab ha tas9amlek chuia 9is l9adyan( kanet tas9amli des fois 1000 da f la semaine ) w un conseil chouf ch7al yas9amlek le transport men alger /Constantine w khali hadik la Somme khabiha bach ki tji mwali ldar ykouno 3andek bach matrohch tssalef men 3and nas . M3a lwa9t ybanolek tes dépenses mat9ala9ch rohek bezaf w rabi ywaf9ak inchallah m3a bac 😊

Up💜

مدابيك تتعلم القبايلية، أني معنديش الجهوية بصح يقولوا كاين مشكل كبير تاع جهوية لتم.