مجهول
السلام عليكم ممكن تسقسيلي عندي بنتي في عمرها 15 سنة مهووسة بالإعلام الآلي و حابة..
السلام عليكم ممكن تسقسيلي عندي بنتي في عمرها 15 سنة مهووسة بالإعلام الآلي و حابة تقراها في الجامعة ان شاء الله سمعت بلي لازم الواحد يكون متمرس فيها ، نقدر نخليها تبدا تقراها من ضرك ؟ نفس الدراسة اللي يقراوها في الجامعة؟ لنها تعرف اساسيات الحاسوب؟
علميها رياضيات مليح ، ولغة انجليزية وتبدا البرمجة والاساسبات ربي يوفق
قال ايلون مسك وهو مدير شركة تيسلا للسيارات الالكترونية و مدير سبايس اكس و العديد من الشركات انه لا يهتم الشهادة الجامعية بل بالخبرة لذلك انصحك بتعليمها البرمجة من الان لتزداد فرصتها في البروز واظن الن الانترنت ومنصات التعليم افضل من الجامعات خاصة في دراسة هذا الميدان حتى انه يوجد فيديوهات تعليمية بالعربية وهذا ما انصحك بتعليمها يعني تعليمها الاساسيات ، ويوجد ايضا العاب تعليمية في الهواتف والحواسيب للصغار
البدء من الصغر افضل شيء تقدمه لنفسك في المستقبل ، و افضل المنصات للتعلم هي اليوتيوب ❤️
نعم ، تتعلم اللغات الأساسية (إنجليزية _فرنسية) اظافة إلى دورات تعليمية مجانية على منصات الويب تستغل الحجر الصحي وتقرا دورات ، اظافة إلى مادة الرياضيات .
ana na9ra info fl jami3a.. nasi7a meni tab3iha w 3almiha .. dirilha des formations en ligne (coursera, udemy ,sololearn ...) matji tossel univ telga ro7ha tyara 😍
قولها تبدا من درك خويا ، ماشي شرط المستوى الدراسي يعني المهارة لي تهدر دركا 👌🏼
حاول الاتصال بصفحة مباشر سيليكون فالي على الفايسبوك و على رأسها الاخ الدكتور مراد بوعاش المتمكن جيدا في البرمجيات
7abha tet3alem la base dakhelha fi codeacademy searchi google ou khaliha tet3alem wa7dha
مذابيك راهم كاين بزاف دورات تعليمية فاليوتيوب ومواقع كثيرة بصح لازم ترافقها اللغة الانحليزية لانها جد مهم في هذا المجال
الجامعة يقرو غي الأساسيات 😅، كون تبداي تعلميها من درك تماجوريلك فالجامعة بلا متقرا وبلا متحضر، نصيحة ديريلها الأنترنت و خليها تقرا وحدها، أما ليفورماصيو ليديروهم برا راهم مضيعت وقت ودراهم و فلخر تكره حياتها و تمل، لمزيد من المعلومات راسليني فالخاص نعاونها
À mon avis mat3almihech Wsh ya9raw f la fac (je suis étudiante en informatique, je peux vous confirmer que les 2 premières années bzffff na9sine côté informatique) khaliha tat3alam m des sites khir..sachez que ce domaine est très vaste, Ida thab le développement Lzm tabda b les algorithmes (kyn open classRoom) yebda m la base ..w kyn machro3 million mobarmidj 3arabi.. He'd Les 2 sites mleh ET gratuits. Mais dans tous les cas, encouragez la,elle est de le bon chemin Nchlh. Si vous avez besoin de quoi que ce soit vous pouvez me contacter
مازالها صغيرة خليها تطلع لليسي و تجيب الباك ان شاء الله و تقراها في الجامعة هاد المجال لازم فيه اللغة الانجليزية و في هذا السن مازال ما تعلموهاش مليح
دعميعا كتر واإذا كانت من المتفوقين تطمح ف ليزي تا دزاير العاصمة مدرسة عليا للاعلام الالي
و اساسيات الحاسوب و البرامج المكتبية معندها مدير بيهم فالجامعة قراية خلاف
ايه مليح، أفضل مجال هو البرمجة، يوجد دروس برمجة تتعلم فيهم الاساسيات
في الجامعة الاعلام الالي لازملو الرياضيات لازم تشجعها باه تقراها و زبد مازالت صغيرة قاجر كي تكبر يكون عندها ميول اخرى
في رايي لازم تخبر حاجة تركز عليها و تتعلمها مالانترنت كيما البرمجة مثلا من مهارات تاع جوجل ولا موقع ادراك
كاين الكثير من الدورات في الانترنت خليها تبدأ أولا بالاساسيات لغات البرمجة كلش شيئ موجود في اليوتيوب و في نفس الوقت تقرا الإنجليزية التطور نفسها اكثر و تتعلم من دورات الموجودة في موقع coursera و edex و كي تتعلم مليح خليها تشارك في الهاكاثون للاكتساب الخبرة اكثر
تخصص اعلام الي في الجزائر متقدرش تستفاد بنسبة عالية . لأنو ما يعتمدش على التطبيق . من وجهة نظري تدير تكوين في معهد او مدارس خاصة أفضل من الجامعة
كلش كاين في اليوتيوب تقدر تتعلم التعلم الذاتي تزيد طور من نفسها أحسن
وي تقدر و تقدر تبدا تتعلم اساسيات البرمجة و الخوارزميات كاين قنوات يوتيوب مليحة الزيرو ويب سكول بغداد الجديدة حسونة اكاديمي ...
ماراكش مسجل معانا. تقدر تفيدو؟
تقدر تدخل بسهولة منا
Sign in with Google