انا طالبة باكلوريا شعبة علوم تجريبية اريد الدراسة في المدرسة العليا للهندسة المع..

انا طالبة باكلوريا شعبة علوم تجريبية اريد الدراسة في المدرسة العليا للهندسة المعمارية فماهو معدل القبول وهل توجد فرص عمل في الجزائر لهذا التخصص وهل هو تخصص جيد

كان اديري دراسات عليا و تقري ف الجامعه ...بصح تاع تطمحي تكوني مهندسه برك في دزاير ما تجيش ..التصميم تاع كامل الديار زوز قراجات لتحت و يبني الفوق ما يخمموش في مهندس ...وزيد باه تحلي بيرو و تنجحي لازم الناس تكون تعرفك و عندك خبره صعيبه تكوني زبائن ..المهم كان شفتي روحك قرايه و تجيبي معدل كبير ديري فارماسي خير ..أدخلي بيها صوارد زرقه ...بالتوفيق

Ida konti t7ebi l'archi sa7 sa7 diriha w jik 7lowa cnn tfot 3lik ki cauchemar, l'école sup balak telgay 5edma ms LMD ghir tendmi 3la 3wamk li ra7o pr rien

ايدا تحبيها مادخلتهاش برك نقولك ديريها وماتتقلقيش و جماعة لي يقولولك مفيهاش خدمة وشوماج ماديريش عليهم ربي هو مقسم الارزاق ، المهم اذا باغيتها دايرتها ونعرف بزاف داروها و فتحتلهم باب للخارج

15.00 w tala3

Lazemlek 15 et plus , wida habiti une fac lazem moyenne 14.80 hakak

3lh l annonce t3i mbghitch thateha

بزاف قراوها وراهم خدامين وخدمة مليحة..وبزاف قراوها ومالقاوش خدمة..بصح الكفاءة اللي تخدر ببساطة..نتي وشطارتك وحبك للمهنة هاذي

الرزق على ربي سبحانه، كاين نعرفهم قراو هندسة فالجامعة و راهم خدامين و حاجة تانية ديري في بالك الدراسات العليا كل واحد كيفاه يفوت هادوك 5سنوات كاين لي ينجح لانو تعب و كاين لي ميوصلش للمستوى المطلوب، كلش يعتمد عليك بعد توفيق الله عز وجل 💕

فرص عمل مكانش 🙌، أقراي جامعة عادي و ديري تخصص تحبيه، كاين بزاف قراو مدرسة عليا و بلا خدمة، المهم رزق فيد ربي

L3em li fet 15,10 wila thebi l architecture ma tesam3i l hata wahed a9rayha ma rahch tenadmii malgré ta3yey ms rah tkouni ferhana ( l architecture c de l'art😍 ) w ma tassam3ich bzf l ness f hed domaine lazm tkouni chatra w nti djibi lkhedma w t7awssi 3liha machi hiya t7awess 3lik