لوكان تسقسيلي على أفضل جامعات الطب أو الفيزياء في قطر والإمارات وقداش تسقاملي لق..

لوكان تسقسيلي على أفضل جامعات الطب أو الفيزياء في قطر والإمارات وقداش تسقاملي لقرايا لتما؟!

اولا التطور اللي راه فيه قطر و الامارات الاقتصادي لا يعني ان التعليم عندهم اجود او افضل ... اغلب الجامعات العالمية عندها فروع في هذه البلدين لكن اسم و بريستيج فقط.. انا اجهل الاسباب اللي تخليك حاب تدرس في هذه البلدين و ان كان احد الاسباب اللي راه في بالي انك حاب تظمن منصب شغل بعد التخرج ، نقلك ياخي منصب شغل بعد واش ، بعد استنزاف كل امكانياتك ، او ربما عندك عايلتك هناك ، حتى و اذ نصيحتي ليك الطب تقراه وين لازم، حتى في رومانيا...نعم رومانيا ، حتى الفرنسيين راهم يقراو فيها او اوكرانيا و لا المانيا؛ يا سيدي حتى تركيا... علم ، مستوى و ياقل امكانيات و مابعد اذا كان ربي طول الاعمار و كانت مازال هذه الدول في هذا الازدهار تقدم على منصب عمل بقيمتك و هما اللي يخلصوك و يكون عندك افضل بكج من شغل سكن تعليم للأولاد. ...

روح اقرا في امريكا اذا هادوك دراهم باش تقرا في خليج بيهم روح امريكا لندن ، اخطيك من العرب

نجاوبك على الامارات خاطر عايش لتم الجامعة لقديمة فيهم كامل هي Gulf Medical University عندها زوج فروع في عجمان ودبي وهي من اقواهم في تخصص الطب وتجي موراها جامعة محمد بن راشد. تكلفة الدراسة غالية شوية على حساب واش راك حاب تدير مثلا الطب والجراحة تستقاملك وحد 139 الف درهم اماراتي للسنة هدا المبلغ بدراهم تع دزاير اذا تحويل تع الدولة يطلعلك وحد 490 مليون للعام. يانتلي راك فاهم نحبس هنا مالة. قطر حاطة عليها كيفكيف. هدا مازال ماقتلكش على لمعيشة والتذكرة ووو. المهم ربي يسهلك ان شاء الله وللعمل برك كاين ناس من جنسيات نعرفهم ساكنين هنا في الخليج يروحو يقراو طب في الجزائر غير خاطر مستحيل يوصل للتكلفة هادي ولاباس بيه من ناحية الجودة وعلبالي ممكن لي يعترض مي الواقع هو لي يقول.

بقرة وبنتها ويا ربي خليك منهم هادوك ماشي تاع قراية تروح تتبوغل وتجي كرشك سمينة وعندك مشاكل في الهضم لانهم ياكلو غير روز 😂😂😂

تستنزف امكانياتك فقط الدولتين لي ذكرتهم مستوى الدراسة مثل الجزائر ومجال اخترتو صعب اقرأ وطور نفسك في دول اوروبية أو امريكا احسن بكثير

Taa 9ater rahom yjo y9raw f setif wlh 😂

Mn3rfch asmawthom bsah 3lbali bli ts9am ghaliya twsal hata 500 millions

يا اخي مايهمش وين تقرا لي يهمك كي ترجع للبلاد هل يعطوك شهادة معادلة يعني هل يقبلو الشهادة ديالك من تلك الجامعة اذا حبيت تخرج شوف في وزارة التعليم العالي الجامعات والمعاهد لي مستعرف بيهم عندهم عند الوزارة قصدي