1- انا متحصلة على باك 2019 وسجلت مدرسة عليا للاساتذة تلبية لرغبة ابي وحابة العام..

1- انا متحصلة على باك 2019 وسجلت مدرسة عليا للاساتذة تلبية لرغبة ابي وحابة العام الجاي نعاود باك 2021 سؤالي :الباك الثاني وش نقدر نسجل بيه بدون منضطر ننسحب من المدرسة العليا؟ 2- أذا تسألي انا تلميذة مقبلة على الباكالوريا و أود الدراسة في المدرسة العليا للأساتذة، لكني أريد أن أعمل بعد الباكالوريا يعني أدرس و أعمل ؟ بماذا تنصحوني ؟ و اعطوني أمثلة عن مهن استطيع العمل بها لو ادرس في المدرسة العليا ؟

كتكون عندك ارادة دير كلش نعرف وحدة تقرا معايا فالمدرسة و فنفس الوقت تقرا فبن عكنون طب اسنان

بالنسبة لسؤال ثاني، أعتقد و الله أعلم أن العمل مع دراسة ممنوع في الجزائر، نصيحتي أخدمي فريلنسر أي عامل حر، و أكيد اذا عندك معريفة تخدمي و تقراي و حتى المدير يديرلك شيفور يوصلك باش تقراي و يرجعك، و دنيا مكاتيب جربي

بالنسبة لسؤال الأول، أي باك جديد ديريه كتسجلي بيه أي تخصص يتم إلغاء التخصص الأول مباشرة، و اذا مفاقولكش راح تقراي مي اذا قودو بيك ليقراو معاك يتم فصلك و أعتقد تخيري تخصص ليحبسوهولك لكن الأغلبية يحبسولهم التخصص الأول، كيما فحالتك ينحولك المدرسة العليا، و اذا تتخرجي و حابة تعاودي تسجلي متقدريش لازم تسناي تفوت خمس سنين على تخرجك باش تقدري تعاودي تسجلي تقراي، ضاهر هاذي القوانين الاكتضاض فالجامعة و باش كل واحد يدي حقو و باطنها أعتقد سارفيس ناصيونال، أما اذا عندك معريفة هدرتي أضربيها فزيرو

قادر تقرى و تخدم نورمال كاين بزاف دراري كانو يقراو معايا دايرين لاسيتي و يخدمو بلاك العام الاول صعيبة باش توالف الريتم لكن في السنة الثانية تقدر كاين لي كان يعاود الباك ديالو و يقرى و جابو كيما حاب و بدل انا وحدة من ناس في سنة الثالثة بديت ندير لي كور لتلاميذ و طلعت عامي ب 11 لانه السر في قرايتها ساهل تعاود تحل لي سوجي تاع العوام لي فاتو و تخدم مليح les tps تصيب كلش تاع العوام لي فايتين عند واحد يدير فوتوكوبي مقابل الجامع تاع القبة اشريهم و زيد دبر كراريس تاع العوام لي فاتو و ربي يوفق

على حساب ما علابالي منجموش نقرو في 2 مؤسسات تع دولة في نفس الوقت

مستحيل توفقوا بين المدرسة العليا و العمل ، نظام صارم و يحاسبو الغيابات عن طريق الاقصاء و برنامج مكثف اصلا مكاش وقت باش تخدمي ، لذلك انا فضلت الجامعة و الحمد لله جازت خمس سنوات

هادا ماشي جواب على السؤال مي رايي انا لنعرفو على المدرسة العليا قواننها صارمة ومعدل النجاح المطلوب لازم يتحقق علاشتريسكي؟ سوا خدمة سوا دراسة تخصص ثاني, وانت راك موقع عقد توضيف في وزارة التعليم

حتى لو تقراي في جامعة عادية ما يحقلكش تقراي زوج تخصصات راهم مانعينها

كيفاش توفق بين لقراية والخدمة ولا لقرايا في زوج بلايص. مادام دخلت للمدرسة العليا غير ماتضيعيش الفرصة واجتهدي مليح. مايتقدريش تقراي في زوج بلايص في نفس الوقت

اذا حاب تقرا مدرسة عليا و معاها تخصص وحد اخر غير انسى،لانو قوانينها صارمة خاصة في الغياب،و حتى اذا قدرت تقرى متقدرش توفق بينهم في زوج ،بصح تقدر دير تكوينات و تدريبات في بزاف مجلات كيما تقدر تخدم ،خاصة اذا كنت تسكن في نفس البلاصة اللي تقرى فيها و لكن عمل خفيف ولا اونلاين مشي full time job.