اذا تسألي كيفاش ناس راهي تدخل دراهم من باج انستقرام و فايسبوك. واش لازملي ندير ب..

اذا تسألي كيفاش ناس راهي تدخل دراهم من باج انستقرام و فايسبوك. واش لازملي ندير باش نستثمر فيهم

اول حاجة مكاش دراهم في الفيسبوك والانستغرام يعني منخلصوش كيما اليوتيوب تخلص اليوتيوبر وثاني حاجة هذه تعتبر منصات تسويقية اذا عندك منتجات تبيعيها تربحي منها وكيما البلوجر لازم يتشهروا في الانستغرام مثلا باه يبعثولهم منتجات يعملولهم اعلانات عندهم ويسلكو عليهم وكاين صفحات كبيرة تعمل الاشهارات عندها بالدراهم مثلا الاشهار الواحد ب 1000 دج وكاين 2000 دج على حسب شهرة الصفحة

واحد مايغرك عندي ماقريت وسييت ندخل الدراهم نص الغاشي لي يقلك ايه وتقدر كي تسقسيهم واش داروا هوما واحد مايقلك الصح. لي يقلك دخلت سيي نسقسيه علاش راهش مرفه و علاش يحاول يقنع الناس بلي يقدرو يدخلوا الدراهم ويسعى جاهد يقنع الناس اذا كان مرفه وساهلة يدخل دراهم ؟مايحاولش يقنع الغاشي ويجيب لفولورز خمو فيها. حابين يعلموكم وهوما ماكاش. عندي ماخسرت وقت ودراهم زعمة حابة ندخل دراهم وتبلعطت بكاش مليون المهم تجارب وتعلمنا منهم. في لخر 3 طرق لي تدخل بيهم دراهم. هي تكون عندك برودوي تبيعو ولا عندك كونت فيها كاش مية الف تدير فيها دعاية ولا ابدا على روحك دير باجا ادي كاش دورة ولي مختص ودير دورات بدراهم للناس. عدا ذلك غير متضيعش وقتك

الانستاغرام مايخلصش الا ادا كانو عندك متابعين ياسر و بعتولك الشركات ديرلهم اشهار للمنتجات ،اليوتيوب هو لي يخلص و يخلص على حساب عدد المشاهدات مش المتابعين

احدى الطرق هي كي تكون باجتك فايتة ميتين الف ولا كثر يبعثولك الشركات بش ديرلهم اشهار و يخلصوك كي تمثل الماركة تعهم و تهدر عليها الخ و جيبلهم زبائن جدد مالمتابعين تاوعك

صح يقدر اي شخص عندو باج انستقرام مشهورة و بها عدد متابعين كبير نسبيا انو يدخل المال منها بعدة طرق و تولي مصدر رزق ليه مثل اي وظيفة او احسن ربما باضعاف، بصح لازم يعمل و يحط مجهود خصوصا في البداية و لازم صبر لمدة طويلة باه يشوف نتائج ممتازة، بالتوفيق للجميع

سلام عليكم، بالنسبة الانستقرام من راح يخلصك علاجال عندك عدد كبير من المتابعين انت تتعلم تدي منه دراهم مثلا عندك باجا تع انستقرام او فايسبوك في نيتش معين مثلا سفر او رياضة ، تقدر تروج لهذا النيتش عبر بيع سلعة او خدمات جديدة التسويق بالافلييت لموقع ما مثل امازون وغيرها والعديد من الطرق الاخرئ يمكنها أن تساعد في كسب المال عبر التواصل الاجتماعي ونغس الشي عبر فايسبوك اذا كان لديك صفحة فيها العديد من المتابعين يمكن استغلالها في عمل اشهارات لشركات او شخاص او تسويق لمنتجات معينة او بيع وشراء ، ويكون مقدار المال الذي تكسبه راجع لك وكيفية تعاملك مع الزبائن والعروض التي تقدمها ، بالتوفيق للجميع 🙌

حسب علمي من الإشهارات يعني مثلا تكون عندك صفحة فيها بزاف متابعين ، يخلصوك مبلغ محدد و تديرلهم إشهار كيما (صفحات بيع الملابس و مواد التجميل و ..) و الله أعلم

ولاو بزاف ناس يديرو خدمة التسويق للمنتجات غير باش يدخلو الدراهم وخاصة ليباج ومعظمهم يرميو الناس على راسهم ويبعثوهم عند نصابين سيرتو ليكارت paysera w paypall علاهاديك الواحد قبل مايحوس يخدم هاذي الخدمة لازم يحيي ضميرو ويتأكد قبل من الناس اللي يخدم معاهم.

YouTube 1M de vu = 700 euro

Merci l'équipe 9a'n3ouni ga3 les réponses dyalkoum 3endi chaîne Youtube li hab ychouf wella t'abonner chouf Bio dyali merci bcp

Pour les comptes Facebook et instagram tu peux utiliser ce qu'on appel le google ads ... Tu peux commencer a 100 euros ( tu dois avoir des cartes telles que PAYESERA) , et tu fais des annonces sponsorisés ... Sinon si tu as un produit a vendre, tu utilise les technique de marketing digital que tu peux trouver sur YOUTUBE, quand le nombre des abonnés augmente, des gens vont te demander des publicité a toi de voir si tu veux les faire gratuitement ou avec de l'argent.

تسويق ، تقديم خدمات ، بيع منتج

تدخل دراهم من خلال الاعلان والترويج لمنتجات او خدمات للآخرين، وهذا يحتاج عدد متابعين بزاف باه تلقى معلنين

@dzmoney22 check had la page

mafihsh drahem insta w fb

تشري صفحة حط فيها محتوى و دير فيها اعلانات

Instagram rah 9arib yadir 3fsa li kima fi YouTube yadirha fi iGTV .yawli instagram yakhlsk bch yahot li pub fi vidéo taw3k ama fi wa9t 7ali kima 9alolk fi les commenter li 9abli

الانستغرام غالبا و على حد علمي ما يخلصكش، لكن الناس الي عندها بزااااف متابعين هادوك تلقاوهم دايرين اشهارات لبزااف ماركات و هادوك الماركات هوما لي يخلصوهم.. فقط

تكون عندك باج كبيرة مختصة في مجال معين