مجهول
1- أنا مهتمة بعلم الفلك و الفيزياء، واش نقدر نقرا كتخصص مور الباك ؟ اقتراحاتكم م..
1- أنا مهتمة بعلم الفلك و الفيزياء، واش نقدر نقرا كتخصص مور الباك ؟ اقتراحاتكم مع العلم مانيش حابة نخدم فالتعليم و شكرا 2- انا خريجة ماستر 2 فيزياء بتقدير ممتاز مذكرتي كانت على الطاقة الشمسية لكن لم اعرف بعد ماذا يممكنني ان اعمل من غير التعليم ؟ و هل يمككني العمل في سونطراك ؟
www.arabstospace.com : هذا موقع الإمارات لريادة الفضاء ، فتحو كونكور اسمو نوابغ الفضاء، يعتبر اول برنامج علمي تدريبي تخصصي مكثف لاحتضان و رعاية نخبة العرب المهتمين بعلم الفضاء ، و ميهمش مستواك الدراسي يهم انك تكوني ملمة بكل المعلومات حول الفضاء..الخ (لازم تكوني فووور ) .. بصح معلباليش اذا مزالو التسجيلات ولا لا ، اذا مزالو و شايفة روحك كاپابل جربي حظك👌🤷♀️
علم الفلك مكانش في الجزائر بصح تقدري تقراي فيزياء او هندسة الطيران والفضاء الجوي وبعد التخرج بالشهادة نتاعك تروحي لليابان اوالولايات المتحدة ديري دكتوراه وتكملي ثم في المجال نتاعك لذلك انصحك تقوي القاعدة نتاعك في الانجليزية وبالخصوص الانجليزية العلمية ..بالتوفيق و ان شاءالله كي اليوم تكوني عالمة في الهندسة الفضائية 🙏
علم الفلك مكانش بصح تنجمي تبرب هندسة او فيزياء و بعدها مين تدي الديبلوم ديابك روحي للخارج و كاين تانيك بزاف جمعيات لي مهتمين بعلم الفلك في الجزائرو. يعلمو الاسس تاعو ننصحك تدخليلهم خاترش منها تتعلمي و منها يزيدو الفرص تاوعك مين تبغي تروحي للخارج
Diri Sm fi bab zouar usthb 1 ere annee SM 2 ene annee physique 3me annee diri physique théorique w tkemli
Diri sm wt9ray physique si non diri diri st après Génie électrique wdiri spécialité réseaux t9ray sur les satellites et tt et puis thabi nmdlak page ta3 une association ta3 علم الفلك yansshok
Master Engey Solar Mliha ms Chi Fel Sonatrach , Sonatrach Pétrole et tt si Ida Sonatrach Ki Thawas Khadamin Hiya Déclare wash Khasha 1- ingénieur Électrique 2- ingénieur .... 3- license Instrumentation et ect ## energy Solar Kaynin des projets Rahom fel Sahra 🌞 Montages les Paneau Solar Et faire des Etudes T3 les angles T3hom Et tt
خريجة طاقة شمسية تشوف الشركات الأجنبية فالصحراء أو سونالطراك و بالنسبة لعلم الفلك تخصص sm و العم الثاني ديري فزياء و الخدمة فهاذ المجال قليلة بزاف فبلادنا يعني أخرتها تخدمي أستاذة
الفيزياء فيها بزاف تخصصات في الماستر وحسب الجامعة لي تدرس فيها ، كاين فيزياء الفلك ، كاين فيزياء طبية ، فيزياء نظرية ، فيزياء المواد (matériaux ) فيزياء طاقوية (énergétique ) فيزياء الارض (globe) ... الخ باه متروحش للتعليم لازم تكمل للدكتوراه ومجال البحث العلمي
اقراي جيولوجيا علم الارض و ديري ستاج تعك في مركز البحث في علم الفلك في بوزريعة ولا كنتي شاطرة يشدوك عندهم تخدمي
علم الفلك مكانش بصح تنجمي تبرب هندسة او فيزياء و بعدها مين تدي الديبلوم ديابك روحي للخارج و كاين تانيك بزاف جمعيات لي مهتمين بعلم الفلك في الجزائرو. يعلمو الاسس تاعو ننصحك تدخليلهم خاترش منها تتعلمي و منها يزيدو الفرص تاوعك مين تبغي تروحي للخارج
ماراكش مسجل معانا. تقدر تفيدو؟
تقدر تدخل بسهولة منا
Sign in with Google