مجهول
حبيت نحل روضة للاطفال المعوقين ولا العاديين ، عندي كلش اثاث والشهادة خسني دار بر..
حبيت نحل روضة للاطفال المعوقين ولا العاديين ، عندي كلش اثاث والشهادة خسني دار برك . واش نقدر ندير باش تعاوني كالونساج؟
اظن اول حاجة تبدا ديرها و لا تبداي انك تبدلي عبارة "المعوقين" بذوي للاحتياجات الخاصة
هد المشروع يحتاج لأهلو موش لتاجر روحي ديري تربصات ديري خبرة في المجال حبيه و حبي المجال ضرك يتصححو مفاهيمك أولا بعدها روحي للمحل أسهل حاجة عليك و على صواردك ....
سلام جماعة واش هي المشاريع و الشروط لي تقبلها لونساج و ماهي الاجراءات من فضلكم
انا مختصة في هاد المجال و حابة ندير نفس المشروع لكن نحوس على شريكة اذا يهمك الامر اتصلي بيا
كي تتعلم ولا تتعلمي تستعمل المصطلحات الصحيحة في المكان الصحيح ،خمم في مشروع،اعتذر من تعليقي ،لكن شخص يخمم في مشروع لفئة معينة لازم الأقل يكون عندو تربية ثقافية تخص ذلك المجال .
Malheureusement mana3rafch بصح من فضلكم حبيت ندير اونساج وماهنديش حانوت عندي ديبلوم برك يقدرو يمدولي كلش بعني للحانوت وباش نشري السلعة ولا نو؟
Tu les respecte pas mela ghir makalah thal crèche dir un autre projet c'est mieux
جوابا على السؤال نشرو في الصفحة ستوري راهي في الهايلايت عن الشروط الجديد للمكان الروضة. فيها مجموعة من الشروط لازم تكون متحققة. منها لازمك سكان ماشي باطيما. والسكن لازم على الاقل 40م وتكون فيه مساحة مفتوحة و5 صفوف. وتدي التصريح من جهات معينة منها الحماية المدنية
لي راهم يهدرو على يسموهم ذوي إحتيجات الخاصة و المنحة تاعهم 4000ألاف دينار و ما طلبوش يزيدولهم أنا تبانلي كون يعطولهم معوقين و يمدولهم كاش 3 ولا 4 ملاين خير
يا ناس الكلمة هذي كاينة فاللغة العربية و راني درتلكم معنى تاعها و تتقال عادي مافيهاش عيب و مفيهاش قلة إحترام نتمنى كامل لي كتبتو عليها جيو تريبونديولي
لا اله الا الله كلمة معوقين وحدها انا في رايي لاتصلحين لهذه المهمة (الاطفال ذوي الاحتياجات الخاصة) وقبل الدار والشهادة ولونساج و الشهرية تاع كل صغير لازم يكون عندك الحق والعدل والرحمة والرأفة والضمير الحي والانسانية وامباعد كلش ساهل
الاجراءات صارمة شوية بالذات في اخر عامين. علاج المشاكل لصراو. شوفي الهايلايت تع الصفحة هاذي فيه كلشي
ذوي الهمم 💛 c plus pratique akri niveau de villa ma tjich ghalya bzf
تعرف الاعاقة بصفة عامة على أنها إصابة بدنية أو عقلية أو نفسية تسبب ضررا لنمو الفرد البدني أو العقلي أو كلاهما،وقد تؤثر في حالته النفسية وفي تطور تعليمه وتدريبه،وبذلك يصبح الفرد من ذوي الإحتياجات الخاصة (المعاقين) وهو أقل من رفقائه في نفس العمر في الوظائف البدنية أو الإدراك أو كلاهما. الإعاقة ليست مرضاً ولكنها حالة من الإنحراف أو التأخر الملحوظ فى النمو الذي يعتبر عاديا ًمن الناحية الجسمية والحسية والعقلية والسلوكية واللغوية والتعليمية،مما ينتج عنها صعوبات خاصة لا توجد لدي الأفراد الآخرين، وهذه الصعوبات والحاجات تستدعي توفير فرص خاصة للنمو والتعليم وإستخدام أدوات وأساليب مكيفة يتم تنفيذها فردياً وباللغة التربوية،ومن هنا يمكن القول بأن الإعاقة هي وضع حرج يفرض قيوداً على الأداء العام للفرد.
إسمهم ذوي الإحتياجات الخاصة و ليس المعوقين و الأهم ليس الأثاث و الشهادة الأساس تعلم كيفية التعامل مع الأطفال خاصة ذوي الإحتياجات الخاصة و اتمنى لك التوفيق
ماراكش مسجل معانا. تقدر تفيدو؟
تقدر تدخل بسهولة منا
Sign in with Google