مجهول
واش الخدمة لي تقدر تخدمها فالجزائر كي تقرا اعلام و اتصال ؟
واش الخدمة لي تقدر تخدمها فالجزائر كي تقرا اعلام و اتصال ؟
اخدم شهادة معادلة باش تعرف المناصب اللي تقدر تخدم بيهم عند الدولة بالشهادة تاعك باش واحد ما يقدر يقولك ما تقدرش تشارك في كاش مسابقة و انت عندك الحق تشارك فيها. تخدمها في مفتشية الوظيف العمومي جاية قريب مقر الولاية اللي تسكن فيها. روح و ادي معاك طلب شهادة معادلة و نسخة من الشهادة تاعك. بالتوفيق
أنا راني نقرا نفس التخصص و عندي نفس السؤال مي و الله أعلم تقدر تخدم طبعا في الصحافة سواء كانت سمعية بصرية او كتابية و على ما أعتقد تقدر تخدم في مجال العلاقات العامة مثلا تنتمي لشركة إتصال مثل موبيليس او اوريدو و تقدر تخدم في الفنادق و المجال السياحي بصفة عامة هذا على حساب واش راني عارف أنا أخي
تقعد شوماج و أميرة ريا و جماعتها لي مقراوهاش يخدمو مذيعات و منشطات في تلفزيون.بدون ضغينة بصح الحقيقة .
انا تخصص اعلام واتصال اذا تعملو تخصص سمعي بصري رح تخدم في مجال التلفزيون والاذاعة واذا مكتوبة في مجال الصحف واذا علاقات عامة زيما انا رح تعملو في كل ماهو ادارة تحت رتبة متصرف اداري
انا نقرا فمدرسة عليا للاستاذة فرنسية لكن أرى أن مجال الإعلام عجبني بعد التجربة الصغيرة لي درتها في الإذاعة، حصلت ولا نبدل نقرأ اعلام و اتصال ولا نكمل فالمدرسة و نسيي نكون اعلامية فنفس الوقت بدون التخصص فيها في الجامعة
ها تبقى قاعد كي حالتي ..ملغري عندك مواهب في الإلقاء مي تموت موهبتك ويدفنوها ويروحو يجيبو ممثل مخروط يقدملنا ونتفرجوه وحنا نضحكو تبا لعالم مليء بالخرطي
تخدم في الجدارمية في لابوليس في العسكر هذا الا قاجيت بديبلومك و الا لالا تخدم في الولاية في السياحة في سونطراك. في سونالغاز ولا المؤسسات الخاصة و المؤسسات اتاع الاتصال
تخصص علوم الاعلام والاتصال يحوي تخصصات فرعية تكون الطالب حسب سوق العمل، فالاعلام به تخصصين الصحافة المكتوبة والإذاعة والتلفزيون وبالتالي العمل يكون في إحدى المؤسسات الإعلامية. بينما تخصص الاتصال فيحوي تخصصات فرعية اخرى نتمثلة في الاتصال التنظيمي، الاتصال المؤسساتي، العلاقات العامة، دراسات الجمهور, وبالتالي تخصص الاتصال يفتح مجال العمل في مختلف المؤسسات على اختلاف نشاطاتها. هذا ما ينبغي ان يكون، لكن ما هو كائن أن الطالب يتخرج بشهادة مكتوب عليها علوم الاعلام والاتصال مع التخصص الفرعي, إلا أنه يعمل حيثما وجد الوظيفة وليس بالضرورة وفق تخصصه اعلاما كان ام اتصال, فكم من طالب درس الاءاعة والتلفزيون وهو بعمل بمؤسسة والعكس. يعني الأمر نسبي.
تقرى مبعد تخلي اميرة ريا تخدم مذيعة او مقدمة في بلاصتك هذا مكان 😒😂
باش تفرقو الاعلام وحدو و الاتصال وحدو ... الاعلام يكون سمعي بصري ولا صحافة مكتوبة و اتصال يكون فيه علاقات عامة ولا اتصال جماهيري يكون تابع للشركات و الادارات
تكومونتي فليستاتو 🤣🤣🤣ياو معرفة غير خطيك و ادا عندك معرفة و قادرين يفرولك صلاح فونص❤
أنا نقرا إعلام و اتصال ، قرايتها بزاف هايلة و الخدمة تان مليحة مي نتي و زهرك ادا تلقاي ادا عندك معريفة تقدري تخدمي ، ادا درتي إعلام تخدمي في الإذاعة و التلفزيون صحافة مكتوبة ... ولا درتي اتصال تخدمي في شركة
نا تبالي كل تخصصات تقرا وتكمل وبعدما تتمرد وتتمحن وطريق تع 15 ساعة باه تاكلي حيط من لحيوط باه ميطيحوش 😂 هذا هوا مصير الدراسة والمجهودات المبذولة
Journaliste écrit au chômage w j abondonner l'idée ta3 journalisme بمفهوم Ida kount rajel ma dir biha walou Ida tafla rah tewali khameja b ziada psk wela domaine khamej w Rabi yejib lkhir
بما اني من جماعة البابور و المزرعة 😂نقولك تقدر تخدم بيها كلش كيما ما تقدر دير بيهاوالوا يعني نتا و معارفك 😂😂😂😂
إذا اخترت اتصال تتوجه للعلاقات العامة (المؤسسات الخاصة ممكن جدا ) اذا اخترت أعلام تتوج للمجال الإعلامي (اذا كنت تسكت قي العاصمة سهل اذا مكنتش من العاصمة تتعب شوية ) المهم بالإضافة إلى الشهادة كونوا رواحكم في المجالات السمية البصرية والتصميم الغرافيكي. ..الخ لأنه هذا المجال تاع هذا العصر
حسب تخصصك في الاعلام و الاتصال ممكن في وسائل الاعلام الخاصة و الغامة و هو صعب التحقيق ، ممكن في العلاقات العامة في المؤسسات العامة و الخاصة ، ممكن كاداري او تكمل دكتوراه و تخدم استاذ جامعي لكن بعد مرحلة طويلة من مسابقات التوظيف
ماراكش مسجل معانا. تقدر تفيدو؟
تقدر تدخل بسهولة منا
Sign in with Google