مجهول
1- "حبيت نسقسي على سلبيات و ايجابيات الدراسة و العيش في امريكا" 2- ما هي كيفية ..
1- "حبيت نسقسي على سلبيات و ايجابيات الدراسة و العيش في امريكا" 2- ما هي كيفية جمع المال الكافي للهجرة إلى أمريكا(علما أنني طالب)، و طريقة شراء الدولار في وهران(5000$هل تكفي لبدء حياة في و.م.أ🇺🇸)
أولا الماريكان ماشي ساهلة الاستقرار فيها من ناحية الحصول على فيزا عمل ولا اقامة دائمة. من الشروط تع الفيزا انو لازم الكفيل نتاعك لازم يكون يدخل على الاقل 21000. ودير في بالك من دزاير قبل مايعطولك الفيزا يطلبو منك سبب الذهاب ودليل بلي في الفترة لراك رايح فيها عندك دراهم لي تكفي انا مارانيش نقلك مستحيل مي برك باش تكون موجد روحك هدا ماكان. الخدمة اذا بشهادتك ممكن تووقف على رجليك خلال عام مي اذا بلا شهادة راح تكون شوية صعيبة مع لخلاص والسكنة.اذا عندك واحد تعرفو لتم راح توفر عليك بزاف ممكن حتى تريح لعندو ايام تفهم كيفاش الوضع ومباعد ديماري وحدك. كل ولاية في لماريكان عندها تكلفة معينة واغلاها المدن لكبار سيرتو سان فرانسيسيكو. باش تسهلها على روحك دير هكاك بالاك50- 100 دولار للنهار تكون فيه سكنة تلقى نورمال ب 40 دولار في نزل موتال و;كاين بالاك تلقى عند ناس ب 20 لي ليلة اذا تتنقل تستخدم مثلا اووبر يعتمد وين تروح مي نقولو هكاك 25 دولار ,واذا تكري طونوبيل متلا سمانة حطلها هكاك 200 دولار ماتنساش ليسونس لتم كل محطة وسومتها سعر ليسونس ماشي ثابت على كامل المحطات الماكلة حطلها 25 دولار اذا حاب تنقص شوية في الميزان كي تتاقلم لتم تلقى مطاعم سومتهم شابة كاين عرب يديرو بوفيه تلقاه ب 15 دولار نهار جمعة الخ واذا تلفون والانترنت تان درلهم حساب بخصوص الاجابيات والسلبيات اول شي لازم تديرو في بالك خلي الافلام بجيها الاجابيات: لبلاد كبيرة وفيها تنوع طبيعي عجيب وثقافات متنوعة في المدن لكبار برك. فيها مصانع بزاف. وتقدر تحترف مجالات عديدة لتنوع الخبرات, سهولة الوصول والحصول على السلع. ساهلة انك تبدا مشاريع لتم بالذات اذا عرفت الدخلات والخرجات. تقدر تحمي حقوقك الفكرية وغيرها بقوة السلبيات: الوظائف ماشي لي بسهولة تلقى .التاكس هادا وحدو عالم عجيب لتم . القطاع الصحي اذا ماعندكش لاسيرونس تفرت فيك. مكلفة بصفة عامة. كلشي يمشي ببراءة الاختراع لتم. ومن الناحية الشرعية انا شحصيا نشوفها ماشي مناسبة تربي دراريك لتم. النقطة الاخيرة لبلاد فيها حريات كثيرة فوق ماتتصور البعض قد يعتبرها اجابية البعض قد يعتبرها سلبية القرار ليك واش تشوف
ماراكش مسجل معانا. تقدر تفيدو؟
تقدر تدخل بسهولة منا
Sign in with Google